ADVERTISEMENT

Xanana Gusmão ho Embaixadora Canada Diskute Kooperasaun Servisu

Mario da Costa - Internasional
Jornalista : Jerimias Soares
Editor : Mario da Costa
  • Share
Lider Istóriku, Kay Rala Xanana Gusmão, ho Embaixadora Canada, Nadia Burger, foto hamutuk iha edifísiu sede CNRT, Bairru dos Griloos, Dili, 19 Janeiru 2023. Imajen/Espesiál.

DILI (timorpost.com) – Lider Istóriku, Kay Rala Xanana Gusmão, hala’o enkontru ho Embaixadora Canada (destakadu iha Indonesia), Nadia Burger, hodi diskute asuntu kooperasaun servisu iha área agrikultura, defeza no seluk tan.

“Ami diskute kooperasaun iha área saida maka Canada, atu halo ba Timor-Leste, oinsá maka sira atu ajuda ita nia agrikultura hodi produs ai-han barak liután no apoiu seluk tan ne’ebé sira bele oferese no implementa hela iha Baukau, Ermera no Oe-Kusse,” dehan Xanana ba jornalista iha edifísiu sede CNRT, Bairru dos Griloos, Kinta (19/01).

ADVERTISEMENT
SCROLL FILA BA NOTISIA


Iha enkontru ne’e, Eis Primeiru Ministru, Xanana ho Embaixadora Nadia Burger diskute mós kooperasaun área defeza entre país Indo-Pasífiku.

Lee Mós :
Bainhira CNRT Ukun, Loke Banku Veteranu

Tuir Xanana kooperasaun ne’e importante hodi hatudu momoos pozisaun Timor-Leste tau importánsia ba rejiaun Indo-Pasífiku ida ne’ebé nakloke no seguru no prósperu.

“Embaixadora mós ko’alia kona-ba kooperasaun Indo-Pasífiku liga ho servisu Defeza nian, oinsá sira atu ajuda F-FDTL hodi halo preparasaun ba kontrolu iha tasi, liu-liu peska ilegál,” dehan Xanana.

Durante reuniaun, Embaixadora Nadia hato’o kompromisu Governu Canada nian hodi hametin liután relasaun bilateral, esplora oportunidade ba kooperasaun mutua iha forum regional no multilateral inklui ASEAN no mós informasaun kona-ba Canada nia estratéjia foun ba Indo-Pasífiku nian.

Xanana sente orgullu, tanba Embaixadora Nadia halo vizita mai Timor-Leste hodi espresa mós sira-nia domin ba Timor-Leste liuhosi apoiu ne’ebé depozita ba povu no nasaun Timor-Leste.

Lee Mós :
Povu Kámbodia Oferese Aviaun Privadu Tula Xanana Gusmão Fila Mai Timor-Leste

Eis Xefe Estadu Xanana agradese, durante Timor-Leste nia luta ba ukun aan, hetan apoiu mós hosi povu no nasaun Canada hodi ajuda Timor ultrapasa situasaun krítiku.

“Povu Canada sira-nia domin ba Timor-Leste ne’e dezde kedas ita sei luta to’o agora,” nia agradese.

Xanana hato’o mós agradesimentu ba Embaixadora nia vizita no apresia vontade di’ak Governu Canada nian atu hakle’an liután kooperasaun ho Timor-Leste.

Entretantu, Xanana reitera prontidaun no kometimentu atu reforsa liután kooperasaun bilateral, karik partidu CNRT hetan fiar hosi povu atu kaer fali ezekutivu iha eleisaun parlamentár tuir mai.

Lee Mós :
Fó Koñese ASEAN nia Akordu Kormérsiu Esensíal ba Timor Leste

Reuniaun kortezia Xanana no Embaixadora Nadia ne’e halo iha ambiente no espíritu ne’ebé nakonu ho respeitu, amizade no solidariedade akompaña hosi Koordenadór KP-Departamentu Polítika Esterna, Embaixadór Roberto Soares.

Vizita Embaixadora Canada Nadia Burger akompaña hosi Koordenadór Canada Fund for Local Initiatives, Jessica Chang mai Timor-Leste hodi observa direita projetu servisu Canada apoia povu agrikultura ne’ebé implementa iha Munisípiu Baukau, Ermera no Oe-Kusse.

 2,564 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana Gusmão ho Embaixadora Canada Diskute Koo…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No