Dili (timorpost.com) – Prezidente Repúblika, José Ramos Horta, Segunda (16/01), ho delegasaun deskola ba Suisa ho Aviaun Citilink Indonesia atu partisipa iha Forum Ekonómiku Mundiál.
“Ha’u ba Suisa, World Economic Forum, ema lubuk ida iha mundu bá iha ne’ebá tinan-tinan. Tinan ida-ne’e, ha’u hetan konvite husi Prezidente World Forum Economic, Børge Brende”, Xefe Estadu hateten hafoin arranka hosi Aeroportu Internasionál Nicolau Lobato Komoro.
Nia dehan, eventu internasionál ne’e, hanesan oportunidade hodi halo promosaun ba potensialidade turístika iha Timor-Leste.
“Nu’udar distinu turístiku, promosaun ba Timor nia produtu no seluk tan. Ha’u hakarak haree forte liután ita-nia kafé nia tama halo publisidade, ha’u halo makas loos iha mundu Timor nia kafé,” Horta argumenta.
Iha Suisa, Prezidente Repúblika, sei hasoru malu ho alta entidade husi nasaun oi-oin no investidór balun, hodi ko’alia kona-ba programa kooperasaun iha área oi-oin.
Prezidente Repúblika, José Ramos Horta, ho delegasaun sei fila-fali mai Timor-Leste iha loron 21 fulan Janeiru 2023.
Enkuantu Parlamentu Nasionál, aprova ajenda vizita Prezidente Repúblika, bá Brazil no Suisa iha loron 19 fulan Dezembru tinan 2023, ho votus afavor 46, kontra 0 no abstensaun 0.
3,328 total views, 3 views today
Bele hare Video Seluk :
Subscribe to Timorpost
