ADVERTISEMENT

PR Horta Kondekora Embaixadór Xiao Jianguo ho Medalla Merítu

Mario da Costa - Internasional
Jornalista : Mariano Abi
Editor : Mário da Costa
  • Share
Prezidente Repúblika, José Ramos Horta, tula medalla merítu ba Embaixador Xiao Jianguo, Imajen Esp.

DILI (timorpost.com) — Estadu Timor-Leste liuhusi Prezidente Repúblika (PR), José Ramos Horta, kondekora Embaixadór Xina iha Timor-Leste, Xiao Jianguo, ho Medalla Merítu.

Embaixador Xiao Jianguo hala’o ninia mandatu durante tinan haat (4) iha Timor-Leste.

ADVERTISEMENT
SCROLL FILA BA NOTISIA


Kondekoroasaun ne’e bazeia ba dekretu lei Prezidénsia Repúblika N.° 97/2022, ne’ebé Xefe Estadu asina iha loron 13/12/2022 no Medalla méritu ne’e kria liuhosi dekretu-lei n.° 15/2009 loron 18 fulan Marsu, atu rekoñese no agradese ba militár, polísia no sivíl, nasionál no internasionál sira, ne’ebé servisu ona ba Timor-Leste, hodi reforsa orden sosiál no sira-nia asaun kontribui signifikante ba paz no estabilidade nasionál.

Marka Merítu ne’e mós simboliza agradese ba ema nasionál sira no sira ne’ebé, husi mundu oin-oin, hala’o papél ativu no krusiál iha dezenvolvimentu demokrásia iha Timor-Leste.

Serbisu sira ne’ebé fornese iha ámbitu relasaun entre Estadu sira atu promove amizade entre povu sira ne’e importante tebes no mós kontribui ba pás, estabilidade no dezenvolvimentu nasionál iha Timor-Leste.

“Esforsu sira ne’ebé Embaixador Xina Xiao Jianguo, rezidente iha Timor-Leste, hatudu durante tinan hirak ne’ebé nia hala’o ninia misaun iha ita-nia rai, merese hetan rekoñesimentu no valór husi Estadu,” nia afirma.

Lee Mós :
EUA Oferese Pfizer Doze 100,620, SAMES Preparadu

Asaun lubuk ida-ne’ebé Embaixador ne’e hala’o mós kontribui ba promosaun amizade entre povu sira, reafirmasaun pás no reforsu estabilidade nasionál iha Timor-Leste.

Ema Timor-oan barak hetan benefísiu husi esforsu ne’ebé Embaixador Xina nian ne’ebé hela iha Timor-Leste, Xiao Jianguo, hatudu durante tinan hirak ne’ebé nia hala’o nia misaun ne’ebé Estadu hafolin.

Tuir Embaixador, Xiao Jianguo, hatete ohin ne’e nia (Xiao Jianguo) hato’o despedida ba Prezidente Repúblika no nia hatete ba Xefe Estadu katak, Xiao Jianguo iha ne’e hanesan Embaixadór ba Timor-Leste liu tinan haat (4) ona, Xiao mak Embaixadór ne’ebé hela tinan barak liu iha Timor Leste.

“Ha’u dezenvolve relasaun di’ak ho Timoroan sira, tanba iha tinan haat liu ba ita hasoru mudansa barak no dezafiu barak hanesan Covid-19, inundasaun ne’ebé akontese iha tinan kotuk, iha kombate ida ne’e Hasoru Covid-19 no inundasaun, Xina nia Embaixada iha Timor-Leste sempre prontu fó ajuda ba Timor-Leste,” Embaixadór Xiao Jianguo dehan, iha palásiu prezidensiál, Bairru-Pité, Sesta (16/12)

Lee Mós :
Timor-Leste Tama ASEAN, PR Horta: Osan Sei Sirkula iha Telefone

Embaixador Xiao Jianguo, haktuir hanesan Covid-19, Xina nasaun ne’ebé primeiru haruka ekipamentu médiku mai Timor Leste, Xina mós fornese vasina kuantidade boot.

Entaun Xiao Jianguo husik Timor-Leste, nia hakarak hato’o ninia dezeju ba Timor-Leste no Timoroan hotu, espera Timor-Leste sei dezenvolve liu tan forte no prosperu.

“Ha’u espera relasaun bilaterál Xina sei metin ba nafatin. Prezidente Repúblika, José Ramos-Horta hatete mai ha’u katak, Xina ezerse papél importante iha kooperasaun entre nasaun sira,” Embaixadór Xiao Jianguo konta.

Nia aumenta, ko’alia kona-ba relasaun bilaterál entre nasaun rua Xiao Jianguo halo buat barak ba Timor-Leste, dala ida tan espera, relasaun bilaterál sei hakat ba oin.

Husi ne’e mós Prezidente Repúblika, José Ramos-Horta fó obrigadu mós ba Xiao Jianguo, tanba sira kria ona relasaun di’ak no koñese di’ak Xefe Estadu antes.

“Entaun ha’u sei haburas lasu amizade. Ko’alia kona-ba relasaun bilaterál Timor Leste ho Xina tinan ida ne’e MNEK Xina mai vizita Timor-Leste,” Embaixadór Xiao Jianguo relata.

Lee Mós :
Cultura Celestial, Paz Mundial, Restauração da Luz

Nia subliña, akordu ne’ebé Xina ho Timor-Leste asina durante vizita Ministériu Negósiu Estranjeiru Kooperasaun (MNEK) Xina mai Timor-Leste sei iha prosesu implementasaun nia laran.

Xina mós sei kontinua suporta iha edukasaun no saúde, tanba Xina fornese ona asisténsia médiku Timor-Leste tinan 8 resin ona no sira sei kontinua fornese asisténsia médiku ba Timor Leste.

“Ha’u espera, ha’u-nia susesor sei halo buat barak ba Timor-Leste atu implementa akordu hirak ne’ebé MNEK Xina nia vizita mai Timor Leste,” Embaixadór ne’e akresenta.

Ko’alia kona-ba dezenvolvementu ekonómia, Xina mós halo buat barak ba Timor-Leste hanesan dezenvolvementu Portu Tibar, sira mós halo ona armajen boot rua ne’ebé sei ajuda Timor-Leste atu rai foos no buat sira seluk tan.

“Ami mós sei ajuda Timor-Leste ho Network Televizaun, ami mós halo kampu Futebool, ami fornese bolsa estudu ba Timoroan sira,” Embaixadór Xiao Jianguo hakotu.

 3,187 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Kondekora Embaixadór Xiao Jianguo ho M…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No