DILI (timorpost.com) —Hafoin vizita Estadu iha Singapura, Prezidente Repúblika (PR), José Ramos Horta, hatete husi Singapura apoiu Timor-Leste tama ba ASEAN (Association of Southeast Asian Nations), no iha referénsia Timor nian sei tama iha tinan 2023.
Nia hatete, iha enkontru ho Prezidente Repúblika Singapura, Primeiru Ministru ho Ministru balu tan no tema importante liu iha ajenda maka relasaun Bilaterál Timor-Leste ho Singapura para haree oinsá atu aumenta liután, iha parte relasaun investimentu, komersiál, ligasaun Aero.
“Iha apoiu Singapura nian ba preparasaun adezaun Timor-Leste nian ba ASEAN, Singapura hasai ona dokumentu ou planu ida para oinsá atu fó apoiu tékniku iha parte hotu-hotu hodi Timor bele partisipa ativamemte iha serbisu ASEAN nian,” Xefe Estadu, hatete iha Salaun VIP Aeroportu Internasionál Nicolau Lobato Komoro, Tersa (13/12).
Enkontru ho Prezidente Repúblika no Primeiru Ministru Singapura di’ak teb-tebes laiha dúvida ruma kona-ba hanesan oportunidade katak bainhira loos mak Timor tama ne’e agora liuhusi Ministériu Negósiu Estranjeiru ho grupu traballu Timor-Leste nian ne’ebé lidera prosesu tékniku atu tama ba ASEAN mak sei serbisu hamutuk ho ASEAN no kada país membru haree atu bainhira loos.
“Ita hatete barak ona, iha referénsia atu tama iha tinan 2023, durante mandatu Indonézia nian, mais ne’e sei haree lai, ita-nia konsolidade kapasidade preparasaun, ne’e la’ós sira de’it mak halo, maibé ita partisipa ita-nia opiniaun, hakarak, hanoin, sujestaun ba sira,” PR Horta hakotu.
3,449 total views, 6 views today
Bele hare Video Seluk :
Subscribe to Timorpost
