Dili (timorpost.com) – Asosiasaun Nasaun sira Sudeste Aziátiku (ASEAN-Sigla Inglés), konkorda ho prinsípiu no rekoñese Timor-Leste sai membru ba dala-11.
Tuir komunikadu imprensa ne’ebé Timor Post Online, asesu iha Sesta (11/11), katak aplikasaun Timor-Leste nian adezaun ba ASEAN, hetan aseitasaun hosi lider ASEAN nian ne’ebé halibur hamutuk iha Phnom Penh, Reinu Kamboja.
“Ami, lider Asosiasaun nasaun Sudeste Aziátiku nian, halibur hamutuk iha Phnom Penh, Reinu Kamboja ba dala 40 no 41 rezumu ASEAN nian no summiza relasionadu, hodi konsidera rezultadu husi misaun ne’ebé hetan Fact-Finding ba Timor-Leste ne’ebé hala’o husi komunidade polítika-seguransa ASEAN nian, komunidade ekonómiku ASEAN no komunidade sósiu kulturál ASEAN nian”, sita iha komunikadu ne’e.
Portantu lider Asosiasaun sira ne’e mós konkorda, tanba sira iha direitu atu admite Timor-Leste sai membru ASEAN ba dala 11;
Atu fó estatutu observadór ba Timor-Leste no permite partisipasaun iha soru-mutu ASEAN nian hotu-hotu inklui iha plenipensiais Simeira;
Atu formaliza Roteiru baze objetivu ida ba Timor-Leste nia adezaun tomak inklui bazeia ba indikadór sira ne’ebé identifika ona iha relatóriu misaun buka-tuir faktu ne’ebé hala’o husi pilár komunidade ASEAN nian tolu, no atu hetan knaar hodi formula Roteiru no relatóriu ba Simeira da-42 kona-ba adosaun;
No katak Estadu membru ASEAN hotu-hotu no parseiru esterna sira sei apoia Timor-Leste tomak atu alkansa meta sira ne’ebé sai nu’udar indikadór liuhusi fornese kapasitasaun no apoiu ba ninia adezaun tomak iha ASEAN.
3,960 total views, 3 views today
Bele hare Video Seluk :
Subscribe to Timorpost
