ADVERTISEMENT

g7+ Organiza Semináriu Iha Lisboa, PR Horta Ko’alia Problema Mundiál no Pás

Mario da Costa - Internasional
Jornalista : Komunikadu Imprensa
  • Share
Prezidente Repúblika, José Ramos Horta, ko'alia hela iha semináriu ne'ebé realiza hosi g7+ ilha Lisboa Portugal, Imajen Esp.

Dili (timorpost.com) — Prezidente Repúblika (PR), José Ramos Horta partisipa iha semináriu ho tema “Meza Redonda a Nova Orden Mundiál” ne’ebé organiza direita husi Sekretariadu Permanente g7+ iha Lisboa iha loron 03/11/2022.

Xefe Estadu José Ramos Horta, nu’udar Ordadór Prinsipál aprezenta perspetiva kona-ba serbisu hamutuk, kontribui hametin dame no luta ba prosesu dezenvolvimentu, hodi hasai povu husi konflitu, nune’e bele hakat ba prosesu dezenvolvimentu.

ADVERTISEMENT
SCROLL FILA BA NOTISIA


Semináriu “a Nova orden mundiál” refleta ba konjuntura polítika mundiál no kontribui ba halo reflesaun kona-ba realidade, hodi halo mudansa.

Premiadu Nobel da Paz husu bá nasaun membru Organizasaun Nasoes Unidas (ONU) no organizasaun importante sira, atu kontinua hamutuk atu husu bá Rúsia hodi hapara funu hasoru Ukrania hodi labele fó impaktu ba estabilidade ekonómika mundiál.

PR Horta mós fahe esperensia kona-ba luta ba ukun rasik an durante tinan 24 nia laran no perkursu istóriku ne’e sai ezemplu bá mundu, hodi harii dame entre nasaun no povu liuhosi prosesu rekonsialiasaun.

Lee Mós :
PR Horta ho Povu Halo Marxa Pás ba Semitériu Santa Kruz

Xefe Estadu hanesan ema koñesidu iha lobby ba pás no iha influénsia makas iha ONU, inspiradór iha domíniu rekonsiliasaun, husu atu fahe esperiénsia no perspetiva kona-ba “rumo a Nova Ordem Mundial,” hodi harii estadu reziliente no foka ba dezenvolvimentu.

Prezidente Horta mós agradese prezensa husi ninia omólogu Marcelo Rebelo de Sousa, iha Simeira Altu nível kona-ba prevensaun konflitu iha mundu multipolar, hanesan perspetiva ne’ebé Organizasaun g7+ organiza iha finál Reuniaun Assembleia Jerál ONU ba dala 70 organiza iha loron 23 fulan Setembru tinan ne’e iha Nova Iorke.

Nia mós refere bá relatatóriu husi OCDE tinan 2022 ne’ebé klasifika nasaun 60 hanesan frágil, husi númeru ne’e nasaun 15 mak frágil liu no 9 husi ida ne’e mak forma Grupu g7+ hamutuk ho nasaun 15 seluk.

Lee Mós :
PR Horta ho PM Taur Lansa Sensus Uma-Kain 2022

Preokupasaun seluk ne’ebé Xefe Estadu Ramos Horta, aprezenta mak hamlaha alarmante iha Repúblika Sentru Áfrikana, Chade, Congo, Madagaskar no Iemen no provizoriamente alarmante liu mak iha Burundi, Somália, Sudaun do Súl no Síria.

“Dadus kona-ba seguransa alimentar no nutrisionál iha mundu iha tinan 2022 hatudu katak, iha tinan 2021 númeru ema ne’ebé sofre nutrisaun krónika aumenta ba millaun 825. Impaktu ida ne’e, akontese iha Áfrika, Súl Saara, Súl Ázia, Amérika Sentrál no mós súl no seluk tan,” Xefe Estadu relata.

Iha fatin hanesan, Sekretariu Jerál g7+, Helder da Costa, ne’ebé reprezenta Pessoa Eminiente g7+, Kay Rala Xanana Gusmão, agradese Prezidente Ramos Horta, ne’ebé fahe matenek hodi fanun mundu tomak hodi luta ba dame.

Lee Mós :
Hakarak ElPar La'o Di'ak, PLP Aprezenta Opiniaun ba PR Horta

“Relevánsia husi tema ne’e bele kontribui ba halo reflesaun kona-ba realidade, ne’ebé sai hanesan palku ba ita-nia esperansa, ne’ebé bele promove mudansa ba realidade di’ak ka pelo menus promove mudansa hodi hadi’ak realidade ida ne’e,” dehan Helde da Costa.

Semináriu ne’e partisipa mós husi delegasasaun nasaun membru organizasaun g7+, delegasaun husi Finlandia, Indonézia no Austrália no parseiru obserbadór internasionál.

Nasaun frájil hirak ne’ebé halibur no sai membru iha g7+ hamutuk na’in-19, kompostu husi Timor-Leste, Afganistaun, Brundi, Costa du Marfim, Etiopia, Guiné, Guiné-Bissau, Haiti, Illas Salomon, Libéria, Nepal, Papua Nova Guiné, Republika Centrafricaina, Republika Demokratika Congo, Serra Leone, Somália, Sud-Soudan, Tchad, ho Togo.

 1,230 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “g7+ Organiza Semináriu Iha Lisboa, PR Horta Ko&…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No