ADVERTISEMENT

PR Horta Apresia Servisu Konsul Jerál TL Ba Bali

Mario da Costa - Internasional
Jornalista : Jerimias Soares
Editor : Mário da Costa
  • Share
Prezidente Repúblika, José Ramos Horta, to'o iha Konsul Bali, Imajen Esp.

DILI (timorpost.com) – Prezidente Repúblika, José Ramos Horta, agradese servisu husi Konsuladu Jerál Timor-Leste bá Bali-Indonezia ne’ebé la’o di’ak hodi reprezenta imajen Timor-Leste iha Indonézia.

“Ha’u foin primeira-vez mak mai vizita, haree imi-nia fatin di’ak tebes, imi kontinua servisu di’ak nafatin ho autoridade Indonézia,” Xefe Estadu hato’o agradesimentu ne’e iha vizita dahuluk durante tranzita iha Bali, antes atu hala’o vizita Estadu nian ba Portugal, Sabádu (29/10).

ADVERTISEMENT
SCROLL FILA BA NOTISIA


Iha vizita ne’e, Xefe Estadu haree direta servisu Konsul Jerál Timor-Leste ba Bali, Aleixo da Silva ho Diplomata Hugo Imanuel Garcia no funsionáriu na’in-22 ho feto nain haat (4) ne’ebé durante tinan 16 ona hala’o servisu protokular no reprezenta imajen Timor-Leste hodi hametin lasu kooperasaun iha área oioin ho Governu Indonézia.

Lee Mós :
Embaixador Na’in-sia Hasoru Alkatiri no Reafirma Reprejenta Nasaun La’ós Partidu

Vizita Xefe Estadu akompaña hosi Ministra Negosiu Estranjerus no Kooperasaun (MNEK), Adalijiza Albertina Xavier Reis Magno, Embaixadór Timor-Leste ba Jakarta, Filomeno Aleixo no Assesor Relasaun Internasionál Prezidensia Repúblika, Nelson Santos no Ivo Valente.

Hafoin enkontru, Xefe Estadu mós rona aprezentasaun husi Konsúl Jerál iha Bali, Aleixo da Silva no agradese vizita Xefe Estadu iha Konsuladu.

Lee Mós :
PDHJ: Desizaun Ba Naktuka Tenke Proteje Diréitu Sidadaun

Edifísiu Konsuladu Jerál Timor-Leste iha Bali ho andar rua no sala servisu fatin neen (6) no fatin enkontru ne’e Governu Timor-Leste sosa iha tinan 2013.

Edifísiu ne’e hetan vizita ona hosi Lider Nasionál, Kay Rala Xanana Gusmão, iha loron 20 Agostu 2022, no foin dahuluk hetan vizita tan hosi PR Ramos Horta, Preziente PN, Aniceto Guterres no Ministra Negosiu Estranjerus no Kooperasaun, Adaljiza Magno.

Durante iha Bali, Prezidente Ramos Horta, mós hasoru malu ho Prezidente Parlamentu Nasional, Aniceto Loinguinhos Guterres, ne’ebé foin hala’o vizita servisu iha Portugal.

Lee Mós :
PR Horta Sei Bolu FFTL Apoiu LFTL Hodi Realiza Jogu Futeból

Prezidente Repúblika Ramos Horta no Preziente PN Aniceto, atualiza informasaun ba malu, kona-ba vizita bá Portugal no Prezidente Aniceto informa mós ninia vizita ho delegasaun Parlamentu Nasionál, hodi partisipa Sesaun Solene XI Asembleia Parlamentar CPLP ne’ebé hala’o iha Portugal hosi loron 24 too 26 Outobru 2022.

 2,391 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Apresia Servisu Konsul Jerál TL Ba Bali” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No