DILI (timorpost.com) — Atu regula ajénsia sira ne’ebé halo rekrutamentu ba traballadór Timoroan ba rai li’ur, Internasionál Organization Migration (IOM) hasoru ofisialmente ho Prezidente Parlamentu Nasionál (PPN), Aniceto Longuinhos Guterres Lopes.
“Objetivu husi soru-mutu ne’e hodi buka maneira oinsá atu asegura lei enkuadramentu legál, hodi regula ajénsia rekrutamentu sira ne’ebé trata traballadór Timoroan ba rai li’ur no mós fó suporta ba traballadór husi Timor ba rai li’ur,” Prezidente IOM iha Timor-Leste, Ihma SHAREEF, hateten iha Parlamentu Nasionál, Kuarta (19/10).
Audiénsia ho PPN Aniceto, Ihma SHAREEF, informa atu halo kooperasaun tuir regra enkuadramentu atu asegura mós traballadór ne’ebé iha rai li’ur, hodi bele regula ajénsia sira hodi fó protesaun no mós asegura diretu traballadór sira nian.
Nia haktuir tan, diskusaun ne’e ampla atu kria enkuadramentu legal ida para oinsá halo mobilizasaun regular traballadór Timor ba rai li’ur au-mezmu tempu asegura medida protesaun ne’ebé koloka ema traballadór sira.
“Ita halo mós diskusaun ba medida sira ne’ebé bele toma iha tempu badak nia laran no mós medida ba longu prazu nian, asegura enkuadramentu sira ne’e depois regulariza mobilizasaun legál nian,” nia afirma.
Nia aumenta tan, iha enkontru ne’e Prezidente PN, Aniceto rekomenda ba IOM atu halo debates parlamentár relasiona ho traballadór Timoroan sira iha rai li’ur. Nune’e IOM promete sei fó apoiu ruma ba asuntu sira ne’e.
Enkuantu ba joven sira ne’ebé hetan problema iha rai li’ur, IOM lakohi halo komentáriu ba problema sira ne’e ho razaun tanba respeita sira-nia identidade.
“Ami sei la elabora asuntu sira, maibé IOM nia ezisténsia hodi apoiu Governu sira liuhosi Ministériu Negósiu Estranjeiru no mós Ministériu Interior inklui Ministériu Justisa, hodi haree asuntu sira ne’ebé pertinente bazeia ba ami-nia kompeténsia,” nia hakotu.
3,003 total views, 3 views today
Bele hare Video Seluk :
Subscribe to Timorpost
