ADVERTISEMENT

Roy Trivedy Sente Priviléjiu Simu Medalla Orden Timor-Leste

Mario da Costa - Internasional
Jornalista : Mariano Abi
Editor : Asisten Hermenegildo da Costa Tilman
  • Share
Prezidente Repúblika (PR), José Ramos Horta, tara hela medalla orden Timor-Leste ba Roy Trivedy, Imajen Esp.

DILI (timorpost.com) — Atu termina mandatu iha Timor-Leste, Country Director, Roy Trivedy, hafoin simu Medalla Orden Timor-Leste husi Prezidente Repúblika (PR), José Ramos Horta, iha Palásiu Prezidensiál, Bairru-Pité, Kuarta (12/10).

“Ida ne’e hanesan priviléjiu no onra boot ida mai ha’u atu simu medalla orden Timor-Leste nian, ohin husi Ramos Horta, Prezidente Repúblika Demokrátika Timor-Leste,” nia hateten hafoin simu Medalla husi Xefe Estadu.

ADVERTISEMENT
SCROLL FILA BA NOTISIA


Nia dehan, iha semana liubá, nia mós hasoru malu ho lider nasionál sira iha nasaun ne’e tomak, ne’ebé harii ONU ba ninia serbisu durante pandemia Covid-19 no programa vasinasaun, tulun hodi responde ba inundasaun no prioridade nasionál sira seluk.

Lee Mós :
Prezidente Repúblika ho Investidór Estranjeiru Diskute Oportunidade Investimentu iha Timor-Leste

“Ohin ha’u simu onra husi Prezidente Repúblika, José Ramos-Horta, nu’udar rekoñesimentu ida ba esforsu sira sistema ONU nian no parseiru hotu-hotu nian. Obrigado ba konfiansa ne’ebé ita boot tau ona ba ha’u-nia aan no kolega sira iha sistema ONU. Ami sei haka’as aan atu kontinua serbí nasaun nia dezenvolvimentu,” Roy Trivedy promete.

Ida ne’e mak Roy Trivedy nia pontu, ikus liu hafoin serbisu durante tinan 20 iha Reinu Unidu no tinan 23 iha estranjeiru iha papél dezenvolvimentu oin-oin ho Governu Unidu, organizasaun sosiedade sivíl internasionál no Nasoins Unidas.

“Ha’u bele dehan, ita ladún bele dehan rai ida ne’ebé ita serbí ona mak iha pozisaun ne’ebé di’ak liu, iha ida ne’e nia rohan duke tempu ne’ebé ita hahú serbisu. Iha kazu Timor-Leste, ha’u bele dehan ho konfiansa katak, ha’u fiar Timor-Leste agora iha ona pozisaun di’ak liu kona-ba nia dezenvolvimentu longu prazu duke 2018 bainhira ha’u to’o ona,” nia relata.

Lee Mós :
Hakarak Hatene Dezenvolvimentu Ekonomia, PR Horta "Bolu" Serve ho TradeInvest

Iha fatin hanesan Vise Ministru Negósiu Estranjeiru Kooperasaun (V-MNEK), Julião da Silva, haktuir kondekorasaun ne’ebé ohin Prezidente Repúblika kondekora ba reprezentante UN, Roy Trivedy ne’e nia signifika katak, durante tinan lima, nia kontribuisaun ba dezenvolvimentu Timor-Leste makaas loos, pior liu momentu ne’ebé Timor-Leste enfrenta kestaun iha pandémia.

“Inklui mós iha momentu ita enfrenta inundasaun iha 04 de Abríl, señór Roy ho nia funsionáriu tomak, ho mós ajénsia hotu ne’ebé iha Timor-Leste, serbisu makaas oinsá mak bele ajuda ita-nia país liuliu ba ita-nia komunidade sira,” V-MNEK Julião dehan.

Lee Mós :
PR Horta Sei Enkontru ho Jokowi no Governador NTT

Alende ida ne’e mós, hanesan koordenadór UN iha Timor-Leste señór Roy serbisu hamutuk ajénsia ONU sira seluk mós para oinsá bele hadi’a dezenvolve iha setór agrikultura, atividade nutrisaun no sira seluk ne’ebé apoiu maka’as.

Tanba ne’e mak Prezidente Repúblika, fó rekoñesimentu no valoriza serbisu ONU nian, liuhusi Roy Trivedy, hodi kondekora ba ohin loron ida ne’e.

 2,219 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Roy Trivedy Sente Priviléjiu Simu Medalla Orden…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No