ADVERTISEMENT

Roy Trivedi Halo Despedida ho Prezidente Horta

Mario da Costa - Internasional
Reportajen : Mariano Abi
Editor : Mario da Costa
  • Share
Koordenadór UN iha Timor-Leste, Roy Trivedi ko'alia hela ho Prezidente Repúblika José Ramos Horta, Imajen Esp.

DILI (timorpost.com) — UN Resident Coordinator Roy Trivedi, ohin loron Tersa (04/10) hakaat bá palásiu prezidenziál Bairru-Pité, Hori halo despedida formál ida ho Prezidente Repúblika José Ramos Horta, no agradese ba nia apoiu enkorajamentu durante nia serbisu iha Timor-Leste dezde tinan 2018.

“Iha fulan Outubru nia rohan, ha’u sei kompleta ha’u-nia serbisu nu’udar Koordenadór Prezidente ONU nian iha Timor-Leste. Maibé molok iha loron 16 fulan Outubru, ha’u sei husik hela Timor-Leste, iha semana rua tuir mai mak ha’u-nia semana ikus iha nasaun ne’e,” Roy Trivedi dehan hafoin remata enkontru ho Xefe Estadu.

ADVERTISEMENT
SCROLL FILA BA NOTISIA

Roy Trivedi relata ninia Predessesor sei to’o iha Timor-Leste iha fulan Novembru, oras ne’e nia serbisu hela ba ONU Nova Iorke no hala’o ona nia knaar iha Subaon, Sambia no nasaun sira seluk, nune’e entre sira rua kontaktu ona hanesan parte ida husi entrega serbisu ba malu.

Lee Mós:
Amérika Atu Evakua nia Sidadaun Sai husi Dili no Oferese hela Millaun $1.1 Tulun Governu Timor Kontra Atake COVID-19

“Onra no previlejiu ida ba ha’u atu serbí iha Timor-Leste durante tinan lima liu, ha’u agradese tebes ba ema hotu ne’ebé fó apóiu mai ha’u iha ha’u-nia serbisu inklui Líder Polítiku sira, Ministériu sira, Sekretáriu Estadu sira, Ofisiál sira, Governante sira, Grupu Sivíl sira, komunidade no parseiru dezenvolvementu sira,” nia afirma.

UN Resident Coordinator Roy Trivedi, Imajen Esp.

Nia mós agradese tebes ba kolega ONU sira no ninia família rasik ne’ebé apóiu nia durante periodu ne’e sira hamutuk hasoru dezafiu sira ne’ebé mosu iha Pandemia Covid-19, Inundasaun no dezafiu dezenvolvimentu sira seluk.

Lee Mós:
Prezidente Horta Husu Ekipa George Soros Apoiu Média Privadu

“Ha’u fiar katak, Timor-Leste agora iha pozisaun di’ak liu iha ninia dezenvolvimentu ba tempu naruk ne’ebé iha tinan 2018 ha’u tuun mai,” Roy dehan.

Enkuantu tuir Roy Trivedi, katak ida ne’e hanesan rezultadu husi serbisu líder nasionál sira no povu iha nasaun ne’e nian, ne’ebé hetan apóiu husi parseiru dezenvolvimentu hotu-hotu. Nia haksolok tebes tanba ekipa nasionál ONU nian halo ona kontribuisaun ne’ebé ho folin boot ba progresu ne’e.

Alende ne’e nia mensajen ohin loron mak Timor-Leste tenke kontinua progresu ne’e tanba iha tinan hirak oin mai iha mundu tomak sei lori difikuldade no dezafiu barak liu tan. Agora la’ós tempu atu deskansa, maibé tenke kontinua serbisu, hodi harii nasaun ida ne’ebé kontente, saudavel, seguru, sustentável no prosperu ba ema hotu.

Lee Mós:
Fretilin husu Governu Ezonera Embaixador Ilidio Ximenes

“Ha’u rasik sei kontinua apoiu dezenvolvimentu Timor-Leste iha dalan oi-oin, maski ha’u sai ona husi ha’u-nia serbisu ne’e. Nune’e obrigada ba imi hotu-hotu tanba halo ha’u+nia serbisu iha Timor-Leste ksolok tebes no kumpre duni,” Roy Trivedi hakotu.

 1,477 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Roy Trivedi Halo Despedida ho Prezidente Horta” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: