ADVERTISEMENT

Prezidente Horta Vizita Turista Na’in-127 iha Ró Ponant

Mario da Costa - Internasional
Reportajen : Estaziada Ermelida Caet
Editor : Mário da Costa
  • Share
Prezidente Repúblika, José Manuel Ramos Horta, vizita turista sira iha ró Ponant, Imajen TP/Ermelinda Caet.

Dili (timorpost.com) – Prezidente Republika José Ramos Horta, Kinta (15/09), vizita turista na’in-127 iha Ró Kruzeiru Ponant ne’ebé atraka hela iha Portu Dili.

Nia hatete, vizita ne’e hodi ko’alia ho sira kona-ba sira-nia vizitasaun Turizmu iha Timor- Leste ne’e.

ADVERTISEMENT
SCROLL FILA BA NOTISIA

“Ohin ha’u ba vizita turista sira iha ró laran ne’e di’ak tebes ne’e hanesan markiting boot ba Timor-Leste, ema mai vizita ita-nia fatin Turizmu sira lubuk ida,” nia hateten hafoin ko’alia ho turista sira.

Nia dehan, sira barak husi nasaun Australia no Fransa, sira hotu-hotu kontente los, no sira hatete vizita fatin Turizmu sira iha rai ida, ko’alia ho populasaun no joven sira.

Lee Mós:
PR Horta: Subsídiu Osan 200 USD, ba Uma-Kain Prioridade ba Komunidade

PR Horta dehan, sira sei ko’alia ho sira seluk atu mai tanba ho esperensia pozitivu iha vizita ne’e. Sira kontente loos sira mai iha ne’e rai Doben Timor-Leste, tanba buat hotu kalma los no Populasaun, joven sira di’ak loos no sira admira ba labarik kiik oan barak loos uniforma ba Eskola ho di’ak no rai ne’e mós seguru ne’e di’ak ba Territória tomak.

Lee Mós:
SORUMUTUK LÍDER SIRA TIMOR-LESTE NO AUSTRÁLIA

“Ohin ha’u iha Ró Laran ha’u ko’alia lubuk ida ho sira ha’u halo diskursu uitoan liuliu esplika ba sira kona-ba realidade Timor nian, no ita-nia sosiedade situasaun laiha violénsia Polítika, laiha Violénsia etiku Relijiozu no laiha diskriminasaun atu kontrra Relijiaun ruma, maski Timor Kuaze 98% Katólika, no mós ha’u esplika kona-ba fundus soberanu, Ekonomia, covid-19 kuaze impaktu iha Timor no ita-nia relasaun di’ak los ho Nasaun Australia ho Indonézia. Nune’e ha’u mós hatete ba sira hodi sosa kafe Timor no hemu kafe Timor”, nia esplika.

Lee Mós:
Xanana Gusmão Hasoru Papa Francisco iha Vatikanu

Nia dehan, nia ba vizita ró laran ne’e nia haree ferik no katuas maka barak loos, no ró iha laran ne’e di’ak tanba muzika, restorante Oin-oin, no turista sira ne’e ema di’ak hotu.

Enkuantu Turista na’in-127, hafoin vizita fatin turizmu sira no viajen sai husi Portu Dili ho ro Ponant iha oras tuku 8:00 kalan.

 1,282 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta Vizita Turista Na’in-127…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: