Dili (Timor Post) — Governu França liuhosi Emabaixada iha Indonézia nia Konsellor ba kooperasaun Diretór ba Institutu Français, Stéphane Dovert, ho Attachee de Coperration, Estelle Duluc, hasoru Prezidente Repúblika (PR), José Ramos Horta, hodi ko’alia kooperasaun servisu.
Sréphane Dovert, hatete konese Prezidente Horta iha tempu barak ona molok Timor-Leste Independénsia, ho ida ne’e, nia serbisu iha kooperasaun entre Timor ho Institutu Français, mais nia agora iha Jakarta, maibé iha area kooperasaun.
“Prezidente, ami ohin ko’alia buat barak kona-ba relasaun entre Timor-Leste ho França, mais ami mós ko’alia barak liu kona-ba dezenvolvimentu Timor-Leste”, Nia hateten hafoin hasoru Xefe Estadu iha Palásiu Prezidensiál, Bairru-Pité, Tersa (23/08).
Nia dehan, sira ko’alia barak mós ho sujeitu kona-ba bee, ou asuntu ne’ebé importante liu iha Timor.
Nune’e, Prezidente Repúblika sensível tebes ba seguransa alimentar iha Timor. Seguransa alimentar ne’e liuliu iha agrikultura, ho ida ne’e kuandu ko’alia kona-ba agrikultura ne’e halai liu ba bee.
“Horkalan ami iha Manatutu ne’ebé iha aldeia ida, husi aldeia ne’e laiha bee tinan barak ona, maibé grasa de deus husi organizasaun Timor ida ne’ebé hanaran ho Permatil, sira halo barajen bee ida, ne’ebé fasilita bele rai bee barak, ho maneira ida ne’ebé bee menus iha tempu bailoron,” nia relata.
Husi enkontru ne’e, Prezidente Repúblika, dehan ba Estele Duluc, katak kona-ba asuntu bee ne’e, Prezidente atu haree tebes peritus internasionál iha setór agrikultura liuliu ida ba bee nian.
Depois ida ne’e, Estele Duluc, hatete ba organizasaun Permatil katak, iha ne’e ona Timoroan ne’ebé di’ak teb-tebes iha setór ida ne’e.
Xefe estadu mós fó hatene ba Conseillor For Coorporation, inaugurasaun Portu Tibar nian, ne’ebé sei iha Novembru prosimu 28.
Kooperasaun iha Timor-Leste atu halo mak, primeiru bee, tanba bee hanesan pontu ida ne’ebé importante tebe-tebes ba ema nia moris, Biodiversidade, Direitu Umanu, no Igualdade Jéneru.
Kooperasaun ne’e hahú iha 2006, maibé projetu ne’e komesa iha 2018, ne’e organizasaun foun ida ne’ebé foin eziste tinan 3, fó serbisu ona ba ema na’in-15.
Alende ne’e Xefe Estadu antes reuniaun ne’e, nia fó obrigadu barak, tanba França la parte iha uniaun Europeia ninian, nune’e uniaun Europeia fó apoiu finanseiru ba kuaze 2 miloens.
2,196 total views, 3 views today
Bele hare Video Seluk :
Subscribe to Timorpost
