Itália (Timor Post) — Prezidente Repúblika, José Manuel Ramos Horta, nia Enviadu Espesiál Extraordináriu, Kay Rala Xanana Gusmão Tersa-feira oras 1:38 to’o hikas Roma Kapitál Itália.
Xanana Gusmáo, akompaña hosi Assesor Polítiku Prezidente Repúblika, Tomas do Rasário Cabral no Ex-Embaixadór, Roberto Soares no simu direita hosi Embaixadora Timor-Leste ba Vatikanu, Juvita Rodriguês Ataide Gonçalves ho ekipa iha Aeroportu Internasionál Leonardo da Vinci.
Tuir komunikadu ne’ebé Timor Post Online, asesu husi ekipa SKS katak, hafoin to’o iha Roma – Itália, ekipa ne’ebé husi Dubai ho aviaun emirates ho númeru voo EK0087, simu direta usi embaixadora Juvita Rodrigues, hodi entrega kedas ai-funan fresku ba Líder Istóriku ne’e nu’udar sinal agradesimentu ba vizita servisu ne’e.
Hafoin ida ne’e, Embaixadora lori kedas Enviadu Espesiál Xefe Estadu ne’e ba salaun VIP, hodi deskansa minutu balun atu atualiza informasaun no kona-ba programa vizita sei hala’o tuir ajenda ne’ebé ekipa prepara hamutuk ho Santa Sé, hodi hasoru Amu Papa Francisco iha Basilika São Pedro Vatikanu.
Arsebispu Arquidioseze Metropolitana Díli, Dom Virgílio do Carmo da Silva, aranka Tersa-Feira ne’e, husi Díli no sei to’o iha Kuarta-Feira iha loron 23 Agostu iha Roma no sei simu direta husi protokolu Santa Sé no embaixadora Juvita Rodriguês.
Bispo Virgílio hamutuk ho bispu na’in-20 sira seluk sei hela hamutuk iha fatin bispu sira nian ne’ebé Vatikanu prepara ona.
Iha loron 27 Agostu maka, Papa Francisco sei hala’o serimónia investidura ba kardeál na’in-21 inklui bispu Dili ne’ebé sei hetan investidura kompostu husi kardeál foun na’in-ualu (8) hosi Europa, neen (6) hosi Ázia, rua (2) hosi Áfrika, ida (1) hosi Amérika Norte, haat (4) hosi Amérika Sentrál no Latina Amérika nian.
7,567 total views, 3 views today
Bele hare Video Seluk :
Subscribe to Timorpost
