ADVERTISEMENT

MNEK-Japaun Asina Akordu Ba Programa Importante Rua

Mario da Costa - Internasional
Jornalista : Estaziada Ermelinda Caet
Editor : Mario da Costa
  • Share
Ministra Negósiu Estranjeiru no Kooperasaun, Adalgiza Magno ho Embaixadór Japaun, iha Timor-Leste, Masami Kinefuchi, asina akordu ba programa Reabilitasaun Infraestrutura ho Bolsa Estudu, Imajen Ermelinda Caet

DILI (Timor Post) – Governu Timor-Leste liuhusi Ministériu Negósiu Estranjeiru no Kooperasaun (MNEK), hamutuk ho Embaixadór Japaun, realiza asina akordu ba programa reabilitasaun urjente infraestrutura ne’ebé hetan estragu husi inundasaun ho bolsa estudu dezenvolvimentu rekursu umanu Japan Development Scholarship (JDS).

Embaixadór Japaun ba Timor-Leste, Masami Kinefuchi, hatete serimónia ohin asina troka notas ba projetu rua, maka programa ba reabilitasaun urjente infraestrutura ne’ebé hetan estragu husi inundasaun ho bolsa estudu dezenvolvimentu rekursu umanu ka JDS.

ADVERTISEMENT
SCROLL FILA BA NOTISIA


“Programa ne’ebé ohin loron ita asina ne’e hanaran JDS, programa ne’e komesa iha tinan haat (4) liubá, hodi konvida futuru lideransa sira, liuliu funsionáriu públiku sira iha Timor-Leste, hodi hala’o estudu iha Japaun hodi hetan koñesimentu espesializada no abilidade ba polítika planeamentu no implementasaun hodi bele hala’o papél importante ba Dezenvolvimentu Timor-Leste nian bainhira sira fila hikas mai”, nia hatete iha salaun Nobre MNEK Pantai-Kelapa, Tersa (16/08).

Lee Mós :
MNEK-MCI Diskute Roadmap Da-ruak Ba Akordu Ekonomiku

Nia esplika, sira-nia programa bolsa estudu ho Timor-Leste ba funsionáriu sira kontinua mestradu iha ne’ebá, maibé la’ós funsionáriu sira de’it, tanba ne’e sira  mós fó bolsa ba estudante husi Universidade Nasionál Timor Lorosa’e (UNTL) Fakuldade Enjeñaria nian, no  funsionáriu sira konforme husi kursu ne’ebé sira ida-idak foti.

Tanba ne’e, nia informa, orsamentu ne’ebé Embaixada Japaun apoiu ho montante 9.25 USD, ba programa reabilitasaun urjente infraestrutura ne’ebé hetan estragu husi inundasaun mak hanesan reabilitasaun moru protesaun mota Komoro, estasaun tratamentu bee moos no fasilidade sira iha Buluto munisípiu Manatutu no Baukau nian.

Lee Mós :
Sidadaun iha Portugál Toba Estrada, MNEK Tula Responsabilidade ba Ajénsia

“Ami-nia kontribuisaun ba dezenvolvimentu Timor-Leste nian boot tebes, buat barak mak konsege atinje ona iha setór infraestrutura nian, nune’e mós iha setór sira seluk, liuhusi ami-nia ezisténsia”, nia hateten.

Nia dehan, Timor-Leste mós iha esperiénsia ona dezastre naturais boot sira hanesan inundasaun ho rai halai, no iha illa ne’e mós esperiénsia ona iha foin lalais ne’e, iha loron 4 Fulan Abríl tinan kotuk, inundasaun istóriku ida harahun ema barak nia moris no estraga infraestrutura importante barak iha país laran tomak.

“Ha’u espera servisu urjente nesesáriu hirak ne’e bele kompleta tuir planu, agora ami finaliza daudaun asisténsia seluk hodi fornese ekipamentu oioin ne’ebé autoridade Timorense sira sei utiliza ba rekuperasaun no redusaun risku husi dezastre ne’ebé sei to’o mai iha tempu badak,” nia afirma.

Lee Mós :
Japaun ho TL Asina Kontratu ba GGP

Iha fatin hanesan, Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, reforsa tan Bolsa Estudu ida ne’e la’ós ba funsionáriu iha kapitál Dili de’it, maibé ba funsionáriu hot-hotu iha Timor Laran tomak no funsionáriu ne’ebé hatene Lian inglés.

“Tanba tuir kritériu ne’ebé iha Governu atu estabelese prosesu tuir ezame se sira pasa bele ba hala’o estudu, se sira la pasa bele aprende tan,” nia hakotu.

 2,128 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MNEK-Japaun Asina Akordu Ba Programa Importante…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No