ADVERTISEMENT

Governu Hato’o Sentidu Kondolénsia ba Família Vítima Inundasaun Iha Korea do Súl

Mario da Costa - Internasional
Reportajen : Jaime Pires
Editor : Mário da Costa
  • Share
Inundasaun iha Seoul Korea do Súl, Imajen Detikcom

DILI (Timor Post) – Governu Timor-Leste hato’o sentidu kondolénsia ba família vítima Inundasaun liuhusi udan boot ne’ebé akontese iha Korea do Súl.

“Lori povu Timor-Leste nia naran, Governu hato’o kondolénsia ba família no belun vítima sira inundasaun nian ne’ebé kauza husi udan forte liu ne’ebé afeta ona Seul, kapitál Koreia Súl nian, hanesan akontese iha tinan 80 liu bá,” dehan Ministru Prezidénsia Konsellu Ministrus, Fidelis Magalhães, iha Palásiu Governu, Kuarta (10/08).

Nia dehan, durante Segunda-feira kalan, oras lokál, udan komesa boot ona, iha Seul no iha sidade viziña sira, rezulta ema mate pelumenus na’in-ualu no ema atus ba atus maka tenke evakua.

Lee Mós:
Emprezáriu Labele Dependente Ba Obra Governu

Udan ne’ebé makas tebes halo estragu barak materiál sira, hanesan edifísiu, veíkulu, estrada no infraestrutura sira seluk, provoka mós rai-halai no obriga tenke taka ahi elétriku no suspende servisu komboiu no metro nian.

Portavós Governu Konstitusionál Daualuk, Ministru Fidelis Magalhães, lori Governu tomak nia naran, hato’o katak “Ami-nia sentidu kondolénsia ne’ebé kle’an ba família sira ne’ebé lakon sira-nia ema ne’ebé sira hadomi”.

Lee Mós:
Governu Tenke Esforsu Hasae Produsaun Kafé

Nia hatutan, iha loron difisil sira-ne’e, Timor-Leste hato’o ninia solidariedade ba Governu no populasaun tomak Repúblika Koreia nian.

 802 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Hato’o Sentidu Kondolénsia ba Fam…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: