ADVERTISEMENT

Governu Rekomendadu Briefing Timoroan ba Servisu iha Reinu Unidu

Mario da Costa - Internasional
Jornalista : Beatriz Belo
Editor : Mario da Costa
  • Share

DILI (Timor Post)-Organizasaun Naun Govermental (ONG), Fundasaun Mahein (FM), husu Estadu Timor-Leste ne’ebé destaka iha Reinu Unidu, atu halo Briefing ba sidadaun Timoroan sira hafoin haruka ba servisu iha inglatera.

Diretor Ezekutivu Interinu Fundasaun Mahein (FM), Abel Amaral, hatete liga ho akontesmentu ne’ebé iha Iglaterra ne’e, liuliu ba kolega Timoroan sira oho malu iha ema nia rai ne’e, parte Fundasaun Mahein sempre apresia ema Timoroan sira feto ka mane, ne’ebé hakarak buka moris iha ema nian rai.

ADVERTISEMENT
SCROLL FILA BA NOTISIA


Fundasau Mahein hanoin no sente ladún furak, kuandu rona Timoroan oho malu iha ema nia rai, tanba ne’e maluk Timoroan feto ka mane, banhira hakarak buka moris iha ema nia rai ba nu’udar Timoroan, enkuantu hasoru malu iha ema rai hanesan maun ho alin, labele lori odiu vigansa sira ne’ebé iha Timor ba iha ema nia rain, Tanba ida ne’e, hatudu imajen la’ós individu, maibé Estadu Timor.

Lee Mós :
PN Autoriza Governu Aprezenta Proposta OJE 2023

Tanba ne’e, FM husu ba Governu Timor-Leste mesmu ke ida ne’e fora husi Governu tanba sira ba inglaterra ba ho osan privadu, maibé iha ema nia rai atu aat ka di’ak sira ne’e Timoroan.

“Entaun, ami husi Fundasaun Mahein husu Governu Timor-Leste atu foti medida ruma para oinsá hasoru Timoroan sira, ne’ebé iha ona rai li’ur ka sira ne’ebé molok dezloka ba rai li’ur atu briefing sira, hafoin haruka sira ba servisu,” dehan nia ba jornalista sira iha nia knaar fatin, Sesta (29/07).

Nia dehan, Timoroan sira ne’ebé servisu iha ema rai mak hatudu atetude Kriminál iha ema nia rai, tauk mak Governu Inglaterra ka Portugal rasik taka dalan ba Timoroan seluk ne’ebé atu buka moris iha nasaun ne’ebé hanesan.

Lee Mós :
Negosiante Nuu Husu Fatin Dignu ba Governu

Nune’e mak, Fundasaun Mahein rekomenda ba maluk Timoroan tantu feto ka mane, ferik ka katuas ne’ebé hakarak buka moris iha ema nia rai laiha duvida no sempre apoiu ka apresia, tanba ne’e esforsu an rasik.

“Maibé, tau iha hanoin ita ba buka moris la bele hakotu kolega Timoroan nia vida, segundu ita to’o ona iha ema nia rai, ita ba buka moris, entaun labele hanoin aktu kriminál ne’ebé odiu iha Timor, terseiru husu ba família atu kontaktu fó hanoin ba sira katak labele halo violénsia iha ema nia rai,” nia dehan.

Nia hatutan, Timoroan sira tantu joven, ferik ka katuas feto ka mane ba buka moris iha ema nia rai, hatudu katak Timoroan mós bele servisu.

Lee Mós :
Fundasaun Mahein Kritika Governu La Rekruta Membru PNTL

Tanba ne’e, husu ba Governu atu briefing, maski sira la liuhusi akordu entre Governu ho Governu, maibé la taka dalan atu Governu breefing sira, molok sira aranka husi ne’e ou ka sira to’o ona iha Inglaterra.

Ikus nia hakrakak Rekomenda mós ba Embaixadór iha Inglaterra regularmente halibur ka hasoru malu ho ema Timoroan sira hodi ko’alia ba sira oinsá mak bele buka moris iha ema nia rai, liuliu fó atensaun ba sira katak, tenke hakribi violénsia no kuda hadomi malu iha ema nia rai.

 2,269 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Rekomendadu Briefing Timoroan ba Servis…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No