Prezidente Nahdalatul Ulama Kontente Simu PR Horta

Mario da Costa - Internasional
Reportajen : Jerimias Soares
Editor : Mario da Costa
  • Share
Prezidente Konsellu Jerál Nahdalatul Ulama (NU) KH Yahya Cholil Staquf (Gus Yahya), simu vizita Prezidente Repúblika Timor-Leste, José Manuel Ramos Horta. Imajen TP/Jerimias Soares

Jakarta (Timor Post)- Prezidente Konsellu Jerál Nahdalatul Ulama (NU) KH Yahya Cholil Staquf (Gus Yahya), hato’o obrigadu ba Prezidente Repúblika, José Ramos Horta, ne’ebé hatudu nia prontidaun hodi halo vizita ba Pengurus Besar Nahdlatul Ulama (PBNU).

“Ami sente kontente tebes ho vizita Prezidente Repúblika Timor-Leste, José Ramos Horta, tanba ida ne’e momentu importante tebes ba ami. Ha’u kongratula Prezidente ne’ebé suporta ona Nahdlatul Ulama tempu naruk no nia nomeia Nahdlatul Ulama no Muhammadiyah hodi kandidatu ba Nobel da Paz. Alende ne’e nia mós nomeia ba iha UNESCO”, nia hateten hafoin simu vizita Prezidente Repúblika nian iha PBNU.

ADVERTISEMENT
SCROLL FILA BA NOTISIA

Nia hatete, Prezidente Repúblika mós hakarak Nahdlatul Ulama ho Muhammadiyah hola parte iha inisiativa husi Papa nian kona-ba Fraternidade Umana.

Lee Mós:
MOKATIL Husu PR Horta Defende Povu Kbiit Laek Iha Área Rural

“Ida ne’e ondradu boot tebes ba ami, tuir ami nia planu dia 20 Novembru tinan ne’e, ha’u husu ba eselénsia Prezidente Repúblika atu haruka líder relizioju husi Timor Leste atu mai join ho ami ko’alia asuntu Fraternidade Umana”, Gus Yahya afirma.

Iha fatin hanesan, Prezidente Repúblika José Ramos Horta, sente kontente tebes vizita kuartel jeral Nahdalatul Ulama (NU).

Lee Mós:
Aban, PR Horta ho Delegasaun Semo ba Indonézia

“Ha’u sente previléjiu boot tebes mai iha kuartel Jerál Nahdlatul Ulama, ha’u familiar ona ho NU iha dékada barak, ha’u primeiru hasoru malu ho Gus Dur Abdurrahman Wahid iha tinan barak iha París-Fransa, bainhira ami partisipa iha konferensia internasionál ida iha ne’ebá. Ohin ha’u Mai iha kuartel jeral ne’e atu vizita Gus Dur Nia legasi sira “, Horta informa.

Horta dehan, lideransa atual sira NU nian kontribui makas tebes ba saída mak Indonesia agora iha hanesan toleransia, dame no demokrasia ne’ebé dinamiku tebes. No agora Prezidente Repúblika Indonézia Joko Widodo hanesan Prezidente G20, no tinan oin sai Prezidente ASEAN nian.

Lee Mós:
PR Horta Hatene Telekomunikasaun Timor Telekom Liña Internet Lentu

“Ha’u iha admirasaun boot ba saída mak Ahdlatul Ulama ho Muhammadiyah halo hodi promove neutralidade nasionál, diálogu no dame iha Indonézia, inklui iha rejiaun no global. Ha’u kontinua suporta organizasaun boot rua ne’e ba iha Nobel da Paz, UNESCO no Fraternidade Umana”, nia promete.

 319 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Nahdalatul Ulama Kontente Simu PR Horta” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: