ADVERTISEMENT

PR Horta-Joko Widodo Ko’alia Pontu Importante Lima

Mario da Costa - Internasional
Reportajen : Jerimias Soares
Editor : Mario da Costa
  • Share
Prezidente Repúblika, José Manuel Ramos Horta, ho Prezidente Repúblika Indonesia, Joko Widodo, hasoru malu iha Istana Negara Bogor.

Jakarta (Timorpost.com)- Iha soru-mutu entre Prezidente Repúblika, José Manuel Ramos Horta, ho Prezidente Repúblika Indonesia, Joko Widodo, Tersa (19/07), hasoru malu iha Istana Negara Bogor, hodi ko’alia pontu importante lima (5).

Prezidente Repúblika Indonézia, Joko Widodo agradese no orgullu bele simu vizita dahuluk PR Horta nian iha Indonézia.

ADVERTISEMENT
SCROLL FILA BA NOTISIA

Iha soru-mutu ne’e ko’alia kona-ba servisu bilateral ne’ebé nakloke no amigavel ba rai rua ne’e nian.

“Iha pontu lima ne’ebé ita ko’alia hamutuk iha soru-mutu ida ne’e”, Joko Widodo deklara liuhusi konferénsia Imprensa.

Joko Widodo hatete, pontu importante lima ne’e mak hanesan, primeiru parte rua konkorda atu hasa’e kooperasaun ekonomia entre nasaun rua haree husi dezenvolvimentu komérsiu ne’ebé hatudu pasu pozitivu.

Lee Mós:
MOKATIL Husu PR Horta Defende Povu Kbiit Laek Iha Área Rural

Segundu, parte rua mós iha konkordánsia atu konektividade terestre no mós maritima.

“Ita planu atu uza transporte terestre ne’ebé ligasaun direta Kupang mai Dili, nune’e mós iha parte transporte maritima nian ita hanoin atu iha konektividade direita husi kupang ba mós Dili”, nia hateten.

Terseiru, iha mós konkordánsia atu haforsa dezenvolvimentu iha area fronteira no apoiu malu atu join komité iha fronteira bele halo hikas.

Kuartu nia dehan, sira mós hato’o komitimentu atu BUMN Indonézia nian bele partisipa ativu liután iha prosesu dezenvolvimentu nian liuliu iha infraestrutura sira.

Lee Mós:
NU,NTT- Prezidente Horta Ko'alia Asuntu Pás no Estabilidade

Ba dalimak, Indonézia mós apoiu atu Timor-Leste bele finaliza agreement investimentu tanba Indonézia rasik nia Investimentu iha Timor-Leste besik atinje 81.800.000.000.

Alende servisu hamutuk iha area ekonomia, Xefe Estadu rua ne’e ko’alia mós kona-ba asuntu fronteira terestre no importante mós atu nasaun rua finaliza fornteira terestre rua ne’ebé seidauk remata hanesan Citrana.

Iha fatin hanesan, Prezidente Repúblika, José Ramos Horta, hatete Timor-Leste agradese ba relasaun di’ak ho Indonézia iha Tinan 20 ikus, Timor-Leste agradese ba tulun no apoiu hotu atu Indonézia iha nia Prosesu Dezenvolvimentu Nasionál liuliu iha area edukasaun ne’ebé tulun tebes Timor-Leste nia rekursu umanu.

Lee Mós:
Timor-Leste Sei Partisipa Expo-Osaka iha Japaun

“Indonézia no Timor-Leste sei bele hateke dook liután ba relasaun sira iha setór ekonomia hodi hametin lasu amizade ne’ebé iha.

Tanba ne’e ikus liu Xefe Estadu hatete, Timor-Leste nia esperansa mak Indonézia sei tulun adezaun Timor-Leste nian ba ASEAN.

 1,143 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta-Joko Widodo Ko’alia Pontu Import…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: