ADVERTISEMENT

Governu Aprezenta Dezenvolvimentu Ekonomia ba Delegasaun ASEAN

Mario da Costa - Internasional
Reportajen : Estaziada Ermelinda Caet
Editor : Asisten Hermenegildo da Costa Tilman
  • Share
Diretor Jeral Planu no Finansas, José Alexandre. Imajen TP/Ermelinda Caet.

DILI (Timor Post)—Governu Timor-Leste liuhusi Ministériu Finansas, ohin halo aprezentasaun matéria kona-ba dezenvolvimentu seidauk iha setór finansas públiku iha rai laran ba delegasaun Asosiasaun Nasoins Sudeste Aziátiku (ASEAN), no Association Economic Community (AEC) liuhusi Fact-Finding Mission (FFM) nain-32.

Diretór Jerál Planu no Ministériu Finansas José Alexandre, hatete hanesan ohin akompaña Misaun no Ekipa Komunidade Ekonomia ASEAN no Fact-Finding Mission (FFM), katak sira atu mai hala’o avaliasaun iha instituisaun sira iha rai laran hodi nune’e bele prepara an di’ak iha parte sistema nian.

“Liuhusi sira-nia observasaun ne’e, ohin Ministériu Finansas, aprezenta ba ekipa Komunidade Ekonomia ASEAN katak ita-nia Dezenvolvimentu seidauk iha setór Finansas públiku, hanesan reforma agora no ita-nia Sustentavel fiskais nian, tanba hanesan ita hotu hatene katak ita-nia Orsamentu Jerál Estadu ne’e depende ba ita-nia fundu mineráis, nune’e ita fó hotu informasaun sira ne’e ba sira hodi halo observasaun”, nia informa hafoin remata diskusaun iha Ministériu finansas Ai-tarak laran, Tersa (19/07).

Lee Mós:
Uniaun Europeia no Oxfam lansa “Rai Matak”: Agrikultura karbonu atu benefisia jerasaun futuru iha Timor-Leste

Nia informa, husi matéria sira ne’ebé ohin MF aprezenta ba delegasaun Komunidade Ekonomia ASEAN sira apresia katak Timor-Leste preparadu ba situasaun sira ne’e.

“Ohin sira dehan foin ita hasoru malu ho sira-nia Sekretáriu ne’e sira informa mai ami katak buat ruma atu iha ita informa ba sira, maibé ita fó informasaun ne’ebé di’ak ba sira, no ohin sira mós dehan bainhira ami presiza bele konfirma ho sira hodi nune’e sira hala’o sira-nia relatóriu”, nia tenik.

Lee Mós:
Diplomata Timoroan Sente Lakon ho Eis Prezidente Jorge Sampaio Nia Mate

Entretantu, ekipa delegasaun hirak ne’e mai husi membru delegasaun Fact-Finding Mission” ASEAN hanesan Cambodia, Indonesia, Laos PDR, Malaysia, Filipina, Singapura, Tailándia, Vietnam, Myanmar no mós Sekretáriu ASEAN, sira-nia servisu halo avaliasaun ba sósiu ekonomia, kultura, polítika Timor–Leste antes adere ba ASEAN.

 529 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Aprezenta Dezenvolvimentu Ekonomia ba D…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: