PR Horta Semo Ona ho Citilink ba Indonézia

DILI (Timor Post)-Iha Oras Tuku 13:37, Prezidente Repúblika, José Manuel Ramos Horta ho delegasaun semo ona ba nasaun viziñu Indonézia ho aviaun Citilink.

Prezidente Repúblika to’o iha Aeroportu Internasionál Nicolau Lobato Komoro tuku 12:00 liu. Iha Aeroportu PR Horta hetan akompañamentu husi Primeiru Ministru, Taur Matan Ruak, membru Governu inklui Deputadu balun. Iha aeroportu internasionál akompaña mós parada militár husi instituisaun FALINTIL Forsa Defeza Timor Leste (F-FDTL).

SCROLL FILA BA NOTISIA

Tuir ajenda ne’ebé Timor Post asesu husi Palásiu Prezidensiál, katak iha loron Tersa 19 Juñu 2022, Xefe Estadu sei hasoru malu ho Prezidente da Repúblika Indonézia Joko Widodo. Hafoin remata enkontru ho Jokowi. Iha oras 13:00 Xefe Estadu sei hasoru malu ho eis Prezidente Repúblika Susilo Bambang Yudhoyono (SBY) iha rezidénsia eis Prezidente SBY.

Lee Mós :

Atleta Internasionál Kénia Sai Primeiru Lugar iha Eventu DIM

Iha Tersa loraik oras 16:00 Prezidente da Repúblika, José Ramos Horta, sei hato’o palestra ba sivitas akademista no estudante sira iha Universidade Indonézia (UI).

Enkontru ho Intelektuál no Jornalista sira iha Hotel Menteng (Dinner Meeting) oras tuku 19:00. Iha loron Kuarta Feira (20/07) Xefe Estadu hala’o enkontru ho Pengurus Besar Nahdlatul Ulama (PBNU) organizasaun islam boot ida iha Indonezia, iha sekretariadu PBNU Lt.7 Ruang 702 Jl. Kramat Raya No. 164 Jakarta Pusat, 10430.

Lee Mós :

FFTL Hato'o Sentidu Kondolénsias ba Família Vítima Hosi Trajédia Futeból Iha Indonézia

Hafoin remata enkontru ho PBNU, Xefe Estadu ho nia delegasaun sei hala’o enkontru ho organizasaun islam, Muhammadiyah iha edifísiu Pusat Dakwah Muhammadiyah.

Iha Kuarta loraik ne’e Prezidente Repúblika, José Ramos Horta, sei hato’o palestra ba sivitas akademista no estudante sira iha Universidade Islam Indonézia (UIN). Aleinde nee mos iha loron ne’e kedan Xefe Estadu sei halo entrevista espesiál ida husi KOMPAS TV, fatin entrevista sei hala’o iha Studio ka Hotel.

Hafoin Xefe Estadu remata nia palestra iha UIN, Xefe Estadu sei hato’o mós palestra iha Universidade Katolik ne’ebe organiza husi Asesór Prezidente Repúblika, Martino Gusmão iha (UK).

Lee Mós :

PR Horta Husu Autoridade Sira Mobiliza Populasaun Partisipa Sensus 2022

Iha Kinta Feira 21 Juñu 2022 oras tuku 08:00-12:30 sei enkontru ho Foreign Policy Community of Indonesia (FPCI) organiza husi Dino Patti Djalal.

Loron Sesta Feira 22 Juñu 2022 Xefe Estadu sei dezloka ba Provínsia Nusa Tenggara Timur, Indonézia.

Entretantu, delegasaun ne’ebé akompaña ho Prezidente Repúblika husi Parte Governu nian mak MNEK, MAP, MTKI. Parlamentu Nasionál reprezenta husi kada bankada asentu parlamentár. Reprezentante husi CCI-TL Oscar Lima no jornalista sira.

1,261 total views, 3 views today

Oinsa Ita nia Reaksaun iha Notisia Nee?