ADVERTISEMENT

Embaixadór Uniaun Europeia Hato’o Agradesimentu ba Prezidente PN

Mario da Costa - Internasional
Reportajen : Cardenio Alves
Editor : Mario da Costa
  • Share
Embaixadór Estadu Unidus Europeia (EUE), Andrew Jacobs. Imajen TP/ Cardenio Alves

DILI (Timor Post)-Embaixadór Uniaun Europeia (EUE), Andrew Jacobs, hala’o servisu durante tinan tolu iha Timor-Leste, kooperasaun servisu di’ak tebes ho Parlamentu Nasionál, tanba ne’e hato’o agradesimentu ba Prezidente Parlamentu Nasionál (PN), Aniceto Guterres.

“Ha’u ramata servisu iha Timor-Leste, agora ha’u vizita Prezidente Parlamentu Nasionál, Aniceto Longuinhos Guterres Lopes, atu fó agradesimentu ba kooperasaun durante tinan tolu nia laran”, nia hateten iha resintu Parlamentu Nasionál, Sesta (15/07).

Tuir nia, iha nia parte kontente tebetebes tanba servisu ho Parlamentu atu fornese asisténsia husi ámbitu projetu osan povu nian.

“Ami iha kooperasaun mós iha ámbitu desentralizasaun ba uma komunikasaun finansiadu husi Europeia ho apoiu mós husi Nasoins Unidas”, nia subliña.

Uniaun Europeia sempre kontente kooperasaun ho Parlamentu Nasionál, tanba hametin demokrasia importante ba Uniaun Europeia iha Timor-Leste.

Lee Mós:
Governu Hato'o Sentidu Kondolénsia ba Família Vítima Inundasaun Iha Korea do Súl

Nia dehan, sira konsidera parseiru importante, tanba ne’e intensaun ba futuru kontinua nafatin ho Parlamentu Nasionál Timor-Leste.

Nia haktuir, durante períodu tinan tolu Embaixada Europeia servisu iha Timor-Leste, hasoru difikuldade prinsipál mak pandemia Covid-19. Problema boot ba Parlamentu halo reuniaun durante períodu Covid-19, maibé Timor-Leste iha susesu Kombate virus ne’e.

Lee Mós:
Komunidade Xinés iha Timor La Selebra Tinan Imlek 2021

“Ami hotu-hotu hela iha edifísiu durante fulan 12 iha Timor-Leste, maibé ha’u kontente tanba ami iha posibilidade moris normál iha Timor-Leste livre husi virus pandemia Covid-19”, nia hakotu.

 572 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Embaixadór Uniaun Europeia Hato’o Agrades…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: