ADVERTISEMENT

MNEK Hasoru Timoroan Balun Iha Rai Li’ur Ho Kondisaun Triste

Mario da Costa - Internasional
Reportajen : Mariano Abi
Editor : Mário da Costa
  • Share

DILI (Timor Post)–Ministra Negósiu Estranjeiru no Koperasaun (MNEK), Adaljiza Albertina Xavier Reis Magno, hasoru malu ho Timoroan balun iha Rai li’ur ho kondisaun triste tebes-tebes.

“Ha’u hasoru malu ho ita-nia Timoroan balun serbisu iha ne’ebá ho kondisaun triste tebes-tebes, ne’ebé Embaixada tenta atu ajuda Timoroan sira ne’ebé ba, tanba saida mak sira iha situasaun difisil, tanba sira laiha kontratu ida, antes atu ba, maibé sira ba de’it,” nia dehan hafoin fila husi rai li’ur, iha salaun VIP, Aeroportu Internasionál Prezidente Nicolau Lobato, Komoro, Sábadu (09/07).

Nia hatutan, entaun sira ba iha ne’eba, ema foti sira ba iha fatin ne’ebé la’os sira aseita rasik dezde sei iha ne’e, entaun sira laiha kontratu ida ne’ebé garantidu, nune’e mós sira hetan osan ne’ebé uitoan.

“Ha’u-nia apelu ba alin sira ne’ebé hakarak serbisu iha Europa, imi bele ba, maibé ba kuandu imi garantidu, imi-nia dokumentu sira, hanesan se imi hakarak hela kleur mak Pasaporte Portugés, se imi hakarak lalais, entaun ne’e imi garantidu imi-nia kontratu, ho kompañia sira ne’ebé seidauk serbisu, se lae ema la fó osan imi, nune’e imi serbisu de’it hanesan ne’e,” nia informa.

Lee Mós:
Sidadaun iha Portugál Toba Estrada, MNEK Tula Responsabilidade ba Ajénsia

Nia haktuir, ne’ebé ba alin sira, ema ida la bele bandu imi la’o, maibé kuandu la’o tenke dokumentu iha liman ona mak foin ba, no Governu tenke operadu para iha mós akordu bilateral, maibé buat hotu-hotu tuir prosesu.

“Agora ho Portugal mós sei iha prosesu laran no sei leba tempu, entaun alin sira kuandu hakarak ba serbisu imi tenke garante katak, imi hetan ona serbisu mak foin ba. No mós Governu husu ba alin sira ne’ebé hakarak serbisu iha Rai liur imi bele ba hanesan sira uluk ne’ebé ba ne’e, maibé tenke garante, se mak lori imi bele kontratu imi serbisu, iha ona Uma atu hela mak ba, se imi ba de’it la hetan serbisu to’o imi-nia osan hotu, no la hetan tan saláriu,” nia hameno.

 951 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MNEK Hasoru Timoroan Balun Iha Rai Li’ur …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: