DILI (Timor Post)- Diretora Organizasaun Direitu Umanu Feto, Maria Fatima Pereira, sente kontente ho prezensa hosi Grupu Association of southeast Asian Nation (ASIAN).
Nia hatete, vizita hosi ASEAN Group ne’e oportunidade ba Fokupers hodi bele aprezenta buat balun durante ne’e organizasaun ne’e halo iha Timor Leste.
“Liuhusi vizita ASEAN Group, Ami sente Paisonadu, no kontenta boot ida mai ami, kona-ba Soka Lider ka ekipa ne’ebé haree ba problema sosiál iha nasaun laran”, nia hateten iha edifísiu Fokupers, Sesta (08/07).
Nia dehan, durante ne’e ekipa Fokupers nu’udar ajente ba problema sosiál nian, nune’e ohin vizita husi ASEAN Group, mai aprezenta ba sira, oinsá bele kualifika no haree sosiedade sivíl nia servisu inklui Fokupers iha Timor-Leste,
“Programa balun ne’ebé ohin ami aprezenta ba sira mak, oinsá bele haree servisu sosiedade sivíl inklui Fokupers, atu nune’e sira aprezenta fali ba iha ASEAN, atu bele halo kolaborasaun di’ak liu tan, maski Timor-Leste seidauk tama ba ASEAN”, nia subliña
Nia dehan, vizita ne’ebé sekretariadu ASEAN mai iha Fokupes, atu haree servisu durante ne’e hanesan sosiedade sivíl hala’o iha nasaun laran, hodi fortifika liu tan Relasaun Fokupers ba problema sosiál iha rejionál.
Alende ne’e husi ASEAN Group, husu Fokupers, saida mak Sekretáriu ASEAN bele ajuda ne’ebé ligadu ho misaun Fokupers nian, nu’udar kontribuisaun ba iha Dezenvolvimentu Estadu nian, liga ho Jéneru, hapara Violénsia Jéneru, iha Timor-Leste.
Ikus nia dehan, objetivu Fokupers nian, mak oinsá bele dezamina informasaun durante ne’e Fokupers hala’o iha nasionál, rejionál to’o lokál, ligadu ho problema doméstika nasionál no Internasionál, tanba ne’e mak ASEAN Group mai vizita Fokupers, atu halo kolaborasaun ho di’ak ba oin nafatin.
1,632 total views, 3 views today
Bele hare Video Seluk :