ADVERTISEMENT

Timor-Leste ho Uniaun Europeia Amigu Verdadeiru

Mario da Costa - Internasional
Jornalista : Mariano Abi
Editor : Asisten Hermenegildo da Costa Tilman
  • Share
Prezidente Repúblika, José Manuel Ramos Horta, iha (Liman Loos) konversa ho Embaixadór Uniaun Europeia, Andrew Jacobs, iha (Liman Karuk) hafoin remata enkontru despedida ho (Atribui Medalla), iha Palásiu Prezidensiál Bairrui-Pité. Imajen Média PR

DILI (Timor Post)–Prezidente Repúblika, José Manuel Ramos Horta, hatete Timor-Leste (TL) ho Uniaun Europeia (UE), sei nafatin amigu verdadeiru.

“Timor-Leste kontinua iha esperansa katak Uniaun European sei nafatin sai amigu verdadeiru no solidáriu nu’udar país terseiru mundu no UE la’ós bloku militár, maibé bloku Ekonómiku, Kulturál, Identitáriu ne’ebé halo kulturalmente kontinente Europa tomak riku,” nia diskursu iha kondekorasaun ba Embaixadór UE, Andrew Jacobs, grau kolár orden Timor-Leste iha Salaun Xina, Kinta (07/07).

ADVERTISEMENT
SCROLL FILA BA NOTISIA


Lee Mós :
Inisiativa Spotlight Prevene VKF-LF

Nia afirma, UE sai nu’udar País amigu ida solidáriu no ativu tebes apoiu Estadu Timor-Leste iha area dezenvolvimentu Estadu nian, demokrasia no ajuda mós sosiedade sivíl iha programa sira ba apoiu Ambientál ba re-florestasaun iha various rejiaun sira Timor-Leste nian hanesan Baguia, Suai, Venilale, Ossu no fatin seluk tan, konforme programa sira Uniaun European kobre ba.

Entretantu, Embaixadór Uniaun Europeia, Andrew Jacobs sente triste tebes husik hela Timor-Leste, liu tiha tinan tolu nia hadomi tebes nasaun furak ida ne’e mak nia sei la haluha Timor oan sira.

Lee Mós :
Alvu Institutu Superior Kristal Transforma Edukasaun Kualidade

“Durante ha’u hela iha ne’e, ha’u haksolok tanba Timor-Leste no Uniaun European sai ona parseiru ne’ebé besik no metin liu. Ita fahe valór xave sira hanesan Demokrasia, Direitu Umanu no Multilarizmu. Timor-Leste hanesan parseiru ida importante tebes ba Uniaun European iha sudeste Aziátiku, tanba ita serbisu atu aumenta ita-nia influensia iha rejiaun ida ne’e,” haktuir nia.

Lee Mós :
Prezidente Lela Huno Hasoru Lider Partidu Verde Repúblika Irlanda

Ho ida ne’e, durante ninia tempu iha Timor-Leste, Uniaun European mós hametin ona nia kooperasaun dezenvolvimentu ho Timor-Leste.

“Ami kontinua fornese apoiu ba Timor-Leste liuhusi orsamentu direitu no servisu besik liu ho Governu no Sosiedade Sivíl iha area Nutrisaun, Agro-florestál, Mudansa Klimátika, Jestaun Finanseiru no Desentralizasaun,” nia hatete.

 1,411 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timor-Leste ho Uniaun Europeia Amigu Verdadeiru” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No