ADVERTISEMENT

RI Halo Estrada Tama Territóriu TL, MNEK Laiha Informasaun

Mario da Costa - Internasional
Reportajen : Jaime Pires
Editor : Mario da Costa
  • Share
Bandeira Repúblika Indonézia ho Timor-Leste, Foto Google

DILI (Timor Post)-Governu Repúblika Indonézia (RI), halo estrada liu ona kilómetru 9, tama ona mai territóriu nasionál Timor-Leste nian, Ministériu Negósiu Estranjeiru no Kooperasaun (MNEK), Seidauk hetan informasaun.

“Ami seidauk hetan informasaun sira husi ita-nia Ajénsia Konsul iha Atambua, ne’ebé ita hein informasaun husi sira nune’e mós husi Autoridade Lokál sira iha Kovalima,” dehan Vise Ministru Negósiu Estranjeiru no Kooperasaun, Julião da Silva iha Palásiu Governu, Kuarta (06/07).

Nia aumenta tan, kuandu sira Ajénsia Konsul no Autoridade Lokál fó ona informasaun hafoin sira-nia parte bele halo diskusaun ho Embaixada Indonézia iha Timor-Leste.

“Ami-nia parte mós Seidauk tun ba terrenu hodi haree sira halo estrada ne’e, tanba seidauk hetan informasaun, ohin mak foin hetan informasaun iha Konsellu Ministru ne’e,” deklara nia.

Lee Mós:
Selebra Aniversáriu ba Dala-9, Telkomcel Oferese Karreta Ambulánsia ba Ministériu Saúde

Maibé, sei tun ba terrenu iha fronteira terestre iha Kovalima, hodi haree sira halo konstrusaun estrada ne’e, tanba Diresaun Asuntu bilateral mak sei ba haree.

“Ami sei halo diskusaun iha Ministériu, hodi Diresaun Asuntu fronteira Terestre servisu hamutuk ho Gabinete Sekretária Ministerial Asuntu Terestre nian hodi ba haree,” deklara nia.

Lee Mós:
PR Horta Louva Relasaun Bilaterál TL ho RI

Governante ne’e subliña, kuandu tun lori JPS ba haree, se karik mak akontese sei ko’alia bazeia ba akordu ne’ebé Timor-Leste ho Indonézia asina tiha ona iha tinan hirak liubá.

 2,381 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “RI Halo Estrada Tama Territóriu TL, MNEK Laiha …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: