ADVERTISEMENT

PR Lú Olo Delega Xefe Casa Sivíl Partisipa Serimónia Funebre James Dunn iha Canberra

Timor Post - Internasional
  • Share

DILI—Prezidente Repúblika (PR), Francisco Guterres Lú Olo delega Xefe Casa Cívil, Francisco Maria de Vasconcelos, ba partisipa iha serimónia Fúnebre James Dunn, ne’ebé realiza iha 15 Fevereiru 2020, iha Canberra, Austrália.

Tuir komunikadu ba imprensa ne’ebé Timor Post asesu haktuir despaxu PR Lú Olo nian Xefe Casa Cívil sei partisipa iha serimónia fúnebre James Dunn nian hanesan Alta Individualidade no Portadór Mensájen, hodi reprezenta Prezidente Repúblika.

Partisipasaun Xefe Casa Civil esprimi solidariedade ba falesimentu belun boot Timor-Leste nian no manifesta mós respeitu no admirasaun ba amizade ne’ebé dedika ba povu Timor-Leste.

James Dunn diplomata, ofisiál intelejénsia, tropa, peskijadór, autór no ativista direitus umanus. Iha nia kareira ne’ebé naruk, nia halo kampañe maka’as ba direitu ba auto-determinasaun Timor-Leste nian ba mundu internasionál.

Lee Mós:
Hafoin husu Tulun ba Líder Nasionál sira iha Dili, Padre Ferdinand Hakotu Iis iha Filipina

James Dunn nia kontribuisaun ba Timor-Leste, hahú iha 1962-1964 bainhira nia asumi knaar hanesan Konsul Austrália ba Timor-Portugéz. Knaar ne’ebé halo nia ikus mai dedika-an tomak ba kauza Timor-Leste nian.
Nia livru “Timor: A People Betrayed” hanesan rezultadu peskija apuradu ida ne’ebé ikus mai sai livru referénsia ba ema barak ne’ebé hakarak koñese esénsia husi kauza timorense.

Lee Mós:
USAID Apoiu Osan Millaun $5 ba MS

Saudozu James Dunn hakotu is iha loron 31 Janeiru 2020 iha Ospitál Calvary, Canberra ho tinan 92. (*/cao)

 172 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Lú Olo Delega Xefe Casa Sivíl Partisipa Seri…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: