ADVERTISEMENT

Alerta! Posibilidade Akontese Funu Invazaun

  • Share
Rusia Tank

WASHINGTON DC–Relatóriu hosi servisu sekreta Estadus Unidus Amérika (EUA) nota katak iha planu hosi Rúsia atu invade nasaun viziñu Ukránia kuarta Aban, (16/02).

Maibé, ofisial senior Amérika konfesa katak seidauk bele fó konfirmasaun klaru ba relatóriu refere, mezmu afirma sira ninia pozisaun trava atake sira hosi Rúsia nian.

ADVERTISEMENT
SCROLL FILA BA NOTISIA


Hanesan fó sai iha ajénsia notísias europa Reuters, segunda (14/02) asesór seguransa nasionál Casa Branca, Jake Sullivan, repete katak Rúsia bele halo invazaun kualkér tempu. Enkuantu Prezidente Amérika Joe Biden afirma hodi apoiu Ukránia karik akontese invazaun ruma fahe nasaun sira ne’ebé sai aliadu ba NATO.

“Ita la halo predisaun klaru kona ba loron invazaun nian ho perfeitu, maibé besik iha janela, no bele hahú …asaun militár boot bele akontese hosi Rúsia iha Ukránia kualkér loron “ deklara Sullivan.

Ita sei defende area NATO kada inch iha area sira hanesan Article Five ho ami hanoin Rúsia kompriende informasaun sira ne’e,” deklara Sullivan ba media CBS, ‘Face the Nation’.

Deklarasaun separadu mai hosi portavós Pentagon, John Kirby, mós lakohi fó konfirmasaun. ” Ha’u laiha pozisaun atu fó konfirmasaun ba informasaun hirak ne’e,” nia deklara lia hirak nee ba media Fox News, iha Domingu (13/02).

Kirby mensiona bele akontese asaun militár hosi Rúsia sa oras de’it, tuir observasaun hosi fonte oin-oin. ita mós haree ho matan. Militár númeru 100.000 destaka iha fronteira besik Ukránia.

Iha Sábadu (12/2), prezidente Amérika, Biden komunika ho Prezidente Rúsia, Vladimir Putin, via telemovel, konteudu komunikasaun seidauk iha publikasaun ruma. Semana ne’e, Biden tuir planu kontnua komunika hosi Prezidnete Ukraina, Volodymyr Zelensky nafatin via telemovel(Augusto Sarmento/dtk).

 930 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Alerta! Posibilidade Akontese Funu Invazaun” A few seconds ago
Lee Mós :
TL Prepara Sai Membru Permanente ASEAN iha 2025

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No