Dili (Timor Post)—Pessoa Eminente ba organizasaun mundiál ne’ebé halibur nasaun sira sei frajil hanaran g7+, Kayrala Xanana Gusmão via online fahe esperiénsia ba ema husi rai Kosovo.
Kosovo hanesan nasaun repúblika ida ne’ebé defaktu independente, lokaliza iha sudeste europa. Antes ne’e Kosovo hanesan provínsia ida husi nasaun Sérvia submete administrativamente ba Nasoens Unidas, maibé iha loron 17 Fevereiru 2008 Kosovo proklama independénsia unilateralmente.
Hafoin fahe esperiénsia ba ema Kosovo, iha loron 21/11/2021, Xanana simu prémiu husi Dardania College/appreciation award no certificado ida husi Dardania College, Kosovo husi Ms. Arbenita Sopraj, PhD.
Arbenita hanesan representante husi Dardania College. Prêmiu ne’e fó ba Xanana tanba ninia kontribuisaun hodi fahe esperiénsia kona-ba paz no rekonsiliasaun Timor-Leste nia ba ema Kosovo.
Arbenita Sopraj, PhD mos konvida Xanana atu ba visita Kosovo. (cao)
670 total views, 3 views today
Bele hare Video Seluk :
Subscribe to Timorpost
