ADVERTISEMENT

Sei Luta hela Kontra Virus Corona, Gripe Manu Ataka Tan Xina

Timor Post - Internasional
  • Share

DILI—Governu Repúblika Populár Xina (RPX) dadauk ne’e hanesan monu tiha ona no duir tun tan husi eskada. Tanba, iha ne’ebé nasaun ne’e infrenta hela luta boot kontra virus Corona ne’ebé hamate nia sidadaun liu atus tolu, nasaun pretense ba Ázia ne’e hetan tan atake husi gripe manu H5N1(flu burung).

Governu RPX liuhusi Ministériu Agrikultura no Assuntu Suku nian iha nasaun ne’e, iha loron Sábadu (01/02/2020) deklara mós estatutu emerjénsia ba kazu gripe manu H5N1 liuliu iha sidade Shaoyang, provínsia Hunan Súl.

ADVERTISEMENT
SCROLL FILA BA NOTISIA


Relata iha Channel News Asia (CNA) ne’ebé Timor Post asesu haktuir, kazu ne’e akontese iha manu luhan boot ida ne’ebé sulan manu hamutuk 7.850. Husi númiru ne’e manu hamutuk 4.500 mak mate ona tanba gripe manu.

Lee Mós :
Novidades Di'ak Husi Promesa Governu Cambodia

Antes ne’e, Xina mós hetan ona grime manu H5N1 iha tinan 2013. Iha momentu ne’eba nasaun ne’e lakon osan kuaze millaun US$ 6,5 hodi kombate.

Entretantu ba dadauk ne’e gripe ne’e mosu fila-fali iha ne’ebé nasaun ne’e infrenta hela virus Corona ne’ebé hahú mosu iha sidade Wuhan, provínsia Hubei. Virus ne’eb’e kuaze hanesan ho SARS ne’e hamate tiha ona ema 304 iha Xina durante deskobre virus ne’e iha fulan Dezembru 2019 liu ba.

Lee Mós :
Autoridade RAEOA Selebra Loron Mundial Direitu Labarik

Virus Corona daet tiha ona ba nasaun seluk iha mundu inklui Tailándia, Singapura, to’o ona Estadus Unidus Amérika no Fransa. Ema ida iha Filipina mate ona tanba virus Corona. Ne’e hanesan kazu dahuluk ema mate tanba virus Corona iha nasaun seluk husi Xina.

Entretantu Governu Timor-Leste aprova ona osan liu milaun ida no hala’o ona koordenasaun interministerial hodi antisipa virus Corona tama iha rai laran, no evakua timoroan na’in-20 ne’ebé hela iha Provínsia Wuhan, Xina.

Tuir sientista sira, moras ne’e da’et husi animal fuik hanesan Niki, Samea on seluk tan.

Timoroan na’in-20 ne’ebé oras ne’e dadauk iha hela Provínsia Wuhan, Xina, nu’udar estudante bolseiru ne’ebé ba hala’o estudu hahú iha tinan 2018.

Lee Mós :
Timoroan Ida Mate ho Asidente Karreta Iha Tazmánia-Australia

Tuir governu, estudante sira iha Wuhan ne’e bele evakua de’it ba iha Xanghai maibé mekanizmu ne’e oinsá presiza halo kooperasaun ho Xina atu bele halo atendementu emerjénsia.

“Kondisaun ne’ebé estudante sira iha Provinsia Wuhan la’ós enfrenta de’it ba virus Corona, menus ba hahan,” haktuir Ministéru Ensinu Superiór Siénsia no Kultura (MESSK), Longuinhos dos Santos. (cao)

 815 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sei Luta hela Kontra Virus Corona, Gripe Manu A…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No