ADVERTISEMENT

Batik Air husu Flight Approval Dili – Bali

Timor Post - Internasional
  • Share

DILI—Batik Air nu’udar kompañia aérea privadu foun husi Indonézia ne’ebé hahú nia opeasaun dahuluk iha tinan 2013 husi Jakarta ba Manado. Batik Air nu’udar kompañia ne’ebé hahoris husi kompañia aérea Lion Air.

Diretór Ezekutivu Servisu Rejistu no Verifikasaun Emprezarial (SERVE),  Florencio Sanches, haktuir, simu ona informasaun via e-mail hosi  kompañia Batik Air atu halo operasaun iha Timor-Leste.

ADVERTISEMENT
SCROLL FILA BA NOTISIA

“Ami kontente aviaun ida bele disponivel  tan halo kompetisaun iha aéreo nian iha  Timor-Leste no ha’u rasik manda fali rekizitus rejistu negósiu iha SERVE ba sira,” Florencio ba Timor Post iha nia servisu fatin.

Lee Mós:
Aviaun Euro Atlantic Hatun ona Timoroan no Estranjeiru Hamutuk 164 iha Aeroportu Internasional Nicolau Lobato

Entretantu Prezidente Autoridade Aviasaun Timor-Leste (AACTL), Ana Rosalia Ximenes Varela, mós hetan ona pedidu husi Batik Air.

“Ami simu ona sira nia dokumentus ne’ebé maka sira haruka liuhosi e-mail iha semana rua liu-ba, iha dokumentus ne’e rasik nia konteudu hakerek,  kompañia Batik Air  husu atu ami fó flight approval ba sira hodi halo operasaun  iha Timor-Leste, maibé ami seidauk bele  aprova. Ami tenke hasoru uluk na’in ba kompañia,” Prezidente AACTL hatete ba Timor Post iha nia servisu fatin.

Lee Mós:
Brazil Kompromete Haforsa Teknólojia iha Parlamentu Nasionál

Nia informa katak kompañia Batik Air mós diriji karta ba Navegasaun Aero Timor-Leste (ANATL)  hodi  husu oráriu no espasu  semo nian, karik  Denpasar mai Dili tuku hira no hosi Dili ba Denpasar  nian.

Entretantu Ministru Transporte no Komunikasaun, José Agostinho da Silva, dehan, disponibilidade Batik Air halo operasaun ba mai Dili – Bali ne’e hatudu pasu di’ak ba governu Timor Leste bele dezenvolve setór aéreo maske neneik maibé bebeik.

Lee Mós:
Estrajeiru Balun Fila ona ba Sira nia Rai Tanba Preokupa ho Kapasidade Governu Kontra Virus Corona

Aviaun ne’ebé oras ne’e halo operasaun Dili-Bali mak hanesan, Merpati Air, Sriwijaya Air no Citilink Air.  (jxy)

 295 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Batik Air husu Flight Approval Dili – Bali” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: