ADVERTISEMENT

Xefe Estadu Falta iha Asembleia Jerál Nasoens Unidas

  • Share
Logo Organizasaun Nasoens Unidas (ONU)

DILI (Timor Post)—Prezidente Repúblika Francisco Guterres Lú Olo kansela nia viajen ba New York-Estadus Unidus Amérika (EUA) tanba rajaun saúde. Tuir ajenda antes ne’e Xefe Estadu ho nia delegasaun hala’o viajen iha loron 13/09/2021.

Fonte kredivel Timor Post haktuir, Lú Olo foti desizaun ne’e maske preparasaun ba viajen la’o ona fulan hirak ikus ne’e hodi partisipa asembleia jerál nasoin unidas (United Nations General Assembly).

ADVERTISEMENT
SCROLL FILA BA NOTISIA


Lee Mós :
Governu Tenta Evakua Timoroan Na’in-20 iha Xina tanba Atake Virus Corona

Tinan ida ne’e, asembleia jeral nasoens unidas hala’o iha loron 14/09/2021.

Asembleia jerál nasoens unidas nu’udar órgaun másimu ba formulasaun polítika organizasaun nian. ONU akomula membru husi nasaun hamutuk 193 inklui Timor Leste. Kada tinan hala’o asembleia hodi halo diskusaun multilateral kona-ba aspeitu internasional hotu.

“Visa ba viajen nian mos iha ona maibé PR kansela ho rajaun saúde,” fonte iha Palásiu Prezidensiál haktuir.

Liga ho problema moras daet COVID-19 ne’ebé mundu infrenta, antes ne’e Premiadu Nobel da Paz nu’udar mos eis Prezidente Repúblika, José Manuél Ramos Horta husu ba Lú Olo atu kansela tiha viajen.

Lee Mós :
Estrajeiru Balun Fila ona ba Sira nia Rai Tanba Preokupa ho Kapasidade Governu Kontra Virus Corona

Horta dehan, nia la fiar Lu Olo ba Amérika Prezidente Joe Biden hakarak hasoru malu.

Horta hatutan, Lu-Olo lalikan gasta tempu sai ba rai liur no túr hakmatek de’it.

“Avo Lu-Olo agora katuas no beioan iha ona di’ak liu túr hakmatek hodi haree beioan sira. Duke sa’e aviaun ba halo saida iha rai liur ne’eba,” Horta hatete.

Lee Mós :
Prezidente Horta Vizita Turista Na'in-127 iha Ró Ponant

Entretantu Prezidente Repúblika Francisco Guterres Lu Olo, iha loron 16/08/2021 adia nia viajen ba Munisípiu Ainaro no Manufahi tanba rajaun moras. (cao)

 919 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Estadu Falta iha Asembleia Jerál Nasoens U…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No