ADVERTISEMENT

MNEK Rekoñese Difikuldade Timoroan iha Inglaterra

  • Share
Edefisiu MNEK. Dili-Timor Leste

DILI (Timor Post)—Sidadaun Timoroan balu servisu iha Inglaterra ameasa lakon sira nia direitu ba hela fatin, tanba Timoroan balu la koopera autoridade Inglaterra hodi rejistu atu hela iha ne’ebá entaun barak mak kontinua moris ilegál.

Kestaun hirak ne’e Diretór Jerál Protokolu no Konsuladu, Ministériu Negósiu Estranjeiru no Kooperasaun, Jose António Amorin Dias, hato’o bainhira dada lia ho jornalista Timor Post iha nia kna’ar fatin Pantai Kelapa, Kuarta (30/06).

ADVERTISEMENT
SCROLL FILA BA NOTISIA


“Ha’u hanoin ne’e problema hanesan ne’e ita nia maluk sira dezde 2019 ema nia governu kria tiha ona scheme kona-ba atu halo rejistu sira hotu hela ne’ebá ne’e ita nia ema sira barak ne’e lakohi moris legál ne’e,” preokupa Diretór Jerál Protokolu no Konsuladu MNEK, Amorim Dias, ba Timor Post.

Lee Mós :
Governu Aprova Medida Próteze Timoroan iha Rai Li’ur

Amorin Dias hatete, Timoroan sira ne’ebé maka ba servisu iha restaurante, balu muda servisu ba mai problema mak ida ne’e, maibé iha Timoroan balu ne’ebé maka tuur metin servisu ne’e ema koopera ho autoridade sira ne’e hodi rejistu sira nia prezensa iha Inglaterra.

“Agora ema sira seluk ho família tuur metin ne’ebá hodi servisu ne’e ema rejistu legál, ita nia maluk ba ne’e balu kala lahatene lian, preokupa de’it ba servisu halo osan de’it la hanoin katak tenke hasoru xefe komunidade sira iha ne’ebá, moe husu ajuda, sira ne’e mak hetan difikuldade boot,” Amorín Dias hatete.

Maibé tuir Diretór jerál ne’e katak, Timoroan sira servisu iha Inglaterra ne’e mesak ajuda malu hodi fó dalan ba malu hodi trata dokumentu sira ne’e, nune’e mós bainhira iha problema sosiál sira hasoru, empreza sira ne’ebé Timoroan sira servisu ba ne’e mós ajuda hela Timoroan sira nia problema barak.

Lee Mós :
Koñese Besik Figura Bispu Foun Dioseze Baukau

“Governu ate fó ajuda ba NGO sira balu hodi ajuda fali ba sidadaun nasaun seluk servisu iha ne’ebá inklui Timoroan sira nia situasaun sira iha Inglaterra,” katak Diretór Jerál Amorim Dias.

Kestaun sira ne’e MNEK liu husi embaixada Timor-Leste mak hametin kooperasaun ho estadu Inglaterra hodi bele buka atu fó solusaun ba problema ne’ebé Timoroan sira enfrenta.

Enkuantu Timoroan sira nia estatutu hanesan traballadór iha Inglaterra, kuaze emprezáriu sira ho komunidade sira seluk mak fó apoiu hodi trata sira nia dokumentu legál sira ne’e.

“Sira nia estatutu ne’e maka agora na’in fabrika, ita nia maluk komunidade sira ne’e maka organiza ba malu,” tenik Amorín Dias.

Lee Mós :
Traballadór Timoroan Na’in 10 Greve Hasoru Papilon Unipessoal Lda

Nia subliña, embaixada bele organiza tanba Timoroan sira ne’e mós sidadaun Portugés, maibé iha problema ruma akontese mak mai keixa entaun embaixada bele loke oportunidade hodi justifika problema saida maka sira hasoru.

“Se hakarak trata dokumentu rejistu sira ne’e mak embaixada Portugal, tanba Timoroan sira ne’e sidadaun Portugés,” katak Amorim Dias.

Maibé embaixada Timor-Leste iha Inglaterra mós halo koordenasaun nafatin tanba hanesan Timoroan bainhira hasoru difikuldade ruma iha viajen sira seluk tan.

Mas agora interesante ho situasaun ida agora ne’e, tanba maluk balu ba ne’ebá ne’e tenke trata halo nusa para reuniaun família atu hetan sidadania, maski ba ho pasaporte Timor.(f10)

 1,158 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MNEK Rekoñese Difikuldade Timoroan iha Inglaterra” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No