Timor Post (18/09/2020)- Organizasaun ba Kooperasaun Dezenvolvimentu Ekonómiku (OSDE) konsidera Timor-Leste la tama ona kategoria frazil.
“Organizasaun ba kooperasaun dezenvolvimentu ekonómiku, organizasaun mundiál ida ne’ebé mak fó sai sira nia relatóriu kona-ba país sira ne’ebé mak sei akontese iha frajil, iha 2020 ne’e sira hasai tiha ona Timor-Leste tanba sira konsidera Timor-Leste metin la’ós frajil, fó sai Ministru Prezidensiál Konsellu Ministru, Fidelis Leite Magalhães ba jornalista sira iha Palasiu Governu, sesta (18/09).
Relatóriu OSDE ne’e Fidelis hatete mai hosi ministériu negósiu estranjeiru TL.
“Ida ne’e rekomendasaun ida ne’ebé mak MNEK informa ka partilla informasaun ida ne’e, tanba ne’e ita kontinua hato’o ba iha públiku” akresenta.
Ema importante iha VIII Governu ne’e adianta novidade diak ne’e ne’e mai hosi esforsu hirak ne’ebé mak durante ne’e estadu halo no fó duni rezultadu pozitivu ba iha nivel institusionál ba pás estabilidade.
“Ne’e mak iha ré koñesimentu ida hodi hasai tiha Timor-Leste hosi kategoria estadu frazil”, tenik nia.
Membru Governu hatete ema hotu dejeiza kontinua halo servisu maka’as atu nune’e tinan hirak tuir mai Timor-Leste sei la konsidera hanesan estadu frajil iha tinan hirak ba kotuk.
“Estadu frajil ne’e dehan estadu ida ne’ebé mak lametin, maibé hasai tiha ona entaun iha re koñesimentu ida katak Timor-Leste iha ona re koñesimentu internasionál katak Timor-Leste estadu metin no forte.
Informasaun ne’e ohin MNEK mak hato’o bazeia ba reuniaun ida ne’ebé Ministra Partisipa hodi kalan eventual no ida ne’e mak sira hato’o ba Ministra no Ministra ohin hato’o mai ita” Fidelis hakotu.
Antes ne’e Timor-Leste liuhosi Lideransa Kay Rala Xanana Gusmão halo servisu maka’as liuhosi iha organizasaun G7+ atu hasai povu hosi mukit no kiak iha estadu membru sira ne’ebé hola parte.(Jornalista: Jaime Pires)
931 total views, 3 views today
Bele hare Video Seluk :
Subscribe to Timorpost
