DILI (timorpost.com) – Kámara Komérsiu Indústria Timor-Leste (CCI-TL), Kinta (09/02), halo akompañamentu servisu ALFAESA nian ba loja Meimart, konsege identifika repacking hahán fuhuk.
Vise Presidente Kámara Komérsiu no Indústria Timor-Leste (CCI-TL), São Gomes, hatete sira akompaña Autoridade ba Inspesaun no Fiskalizasaun iha Atividade Ekonómika, Sanitária no Alimentár (AIFAESA, I.P), halo inspesaun ba armazein Loja Meimart, tanba repacking hahán aat.
“Ami CCI-TL iha obrigasaun atu mai akompaña Inspesaun, bazeia ba keixa ne’ebé ami simu, tanba ne’e ami kampu komérsiu mai akompaña servisu ALFAESA nian, no konsege identifika sira-nia sasán ne’ebé aat, liuliu supermie ne’ebé aat sira repacking atu fan fali ba konsumidór sira,” dehan Gomes iha fatin Inspesaun Armazein Meimart, Manleuana uma Adat, Kinta (09/02).
Iha fatin hanesan, Supervisor, Nu’udar Timoroan, Domingos dos Santo, haktuir sasán ne’ebé ALFAESA sira halo inspesaun ne’e seidauk prazu, maibé sasán ne’e fuhuk.
“Tanba ne’e, ami tau iha li’ur hein ami-nia karreta atu tula ba soe, maibé la’ós atu repacking para fan fali ne’e lae” nia hakotu.
Jornalista Timor Post koko atu entervista Parte ALFAESA, maibé lakohi fó komentáriu, tanba sira seidauk hatene loloos dadus husi sasán hirak ne’e.
Enkuantu tuir observasaun Timor Post iha terrenu iha oras 11:30, parte AIFAESA to’o iha terrenu halo inspesaun ba sasán aat sira ne’e no parte Prezidente CCI-TL ho Vise Presidente CCI-TL, São Gomes, mós tun direta hodi halo observasaun ba atividade refere.
3,157 total views, 3 views today
Bele hare Video Seluk :
Subscribe to Timorpost
