DILI (timorpost.com) – Negosiate iha Merkadu Tais Kolmera, Anita Magalhães, husi Munisípiu Ermera-Atsabe, halerik tanba lá hetan redimentu.
Nia hatete, uluk kedas fan tais ho sasán tradisionál kona-ba kultura, sei folin netik, maibé daudaun ne’e ema kompradór sira menus.
“Ami fan sasán tradisionál hanesan, tais mane, tais feto no selenda no mós seluk-seluk tan, maibé ema ladún hola, tanba ne’e ami daudaun ladún hetan rendimentu,” nia hateten ba online Timor Post iha pasa tais Kolmera, Domingo (04/12).
Nia dehan, maski ema ladún hola, maibé sira kontinua fan, tanba fan sasán tradisionál mak bele sustenta moris no sustenta oan sira-nia eskola.
“Ami fan ladún hetan redimentu di’ak, maibé ami sente la lakon, tanba sasán tradisionál ita rai mós nia la aat, nune’e mós fatin ne’ebé ami fan ne’e gratuita,” nia dehan.
Nia afirma, tais sira fan ne’e la’ós sira rasik mak produs, maibé hola tutan husi ema seluk, ba hola iha Munisípiu Ermera Atsabe no Bobonaru hafoin fan fali.
“Ami hola husi ema seluk karun, ne’ebé ami mós fan tuir ida ne’e, ami mós hetan redimentu uitoan, ita fan baratu uitoan para ema hola, tanba agora mós ema fan iha ne’e barak los,” nia informa.
Alende ne’e nia dehan, tais ne’ebé nia fan ne’e, folin la hanesan, balun iha 40 USD, 50 no 60 USD, nia folin mak hanesan ne’e, salenda balun iha 2 USD no iha 5 USD no seluk-seluk tan.
1,779 total views, 3 views today
Bele hare Video Seluk :