ADVERTISEMENT

Partisipante Festivál Muzíka no Kultura Kontinua Nadodon Ba Atauro

Mario da Costa - Ekonomia
Jornalista : Ermelinda Caet
Editor : Mário da Costa
  • Share
Partisipante sira ba Festivál Muzíka no Kultura iha Ataúro, antuziasmu iha Portu Dili, Imajen TP/Ermelinda Caet

Dili (timorpost.com) – Partisipante sira husi Munisípiu 12 no Rejiaun Administrativa Espesiál Oe-kuse Ambenu (RAEOA), ohin Segunda (21/11), iha Tuku 9:00 kontinua nadodon ba Atauro hodi partisipa iha Festivál Muzíka no Kultura ne’ebé sei hala’o iha loron 21-24 fulan Novembru.

Tuir partisipante João de Jesus, informa objetivu ohin sira halo viajen Dili ba Atauro ne’e atu ba tuir festivál ne’ebé realiza husi Prezidente Republika, José Ramos Horta.

ADVERTISEMENT
SCROLL FILA BA NOTISIA


“Ohin ami viajen husi Dili ba Atauro ne’e ami sae ró gratuita de’it, tanba ró ne’e ita-nia Prezidente Republika no Governu mak selu”, nia hateten ba Timor Post online iha Portu Dili, Segunda (21/11).

Lee Mós :
PN husu Governu Rezolve Problema Bee Moos

Nia dehan, ohin sira simu kartaun mak foin bele halo viajen, ne’ebé tiket mós laiha ba gratuita de’it ho ró Succes.

Nia hatutan, ba partisipa festivál iha Atauro mós tenke uza kartaun no balun simu voucher husi ró Succes, no balun lista naran iha ró nian de’it.

“Tanba ne’e hanesan Timoroan sente kontente no orgullu tanba iha festivál ne’e rasik partisipa husi ita-nia Embaixadór sira, jornalista sira husi Indonézia ka jornalista internasionál nian no Munisípiu 12 no RAEOA”, nia hateten.

Lee Mós :
Kontrola Tabaku Ilisitu, AIFAESA,I.P-PNTL Halo Inspesaun

Nia dehan, kona-ba sira-nia hahán, fatin no buat hotu Estadu mak responsabiliza.

Tuir Observasaun Timor Post nota iha terenu katak partisipante sira atu viajen ne’e sira lori sasán maka hanesan Roupa, balun lori motor, bisikleta, tenda kemping, karreta no ba partisipante sira lori bisikleta ne’e ba to’o ne’ebá halo atividade Desportu.

Partisipante festivál sira nadodon ba Atauro hahú husi Kinta-feira, no sira sei fila iha loron 25 Fulan Novembru tinan ida ne’e.

Lee Mós :
Emprezáriu Internasionál Hakfodak Atauro Laiha Eletrisidade

Portantu Atauro oan sira preparadu atu assegura Festivál Kultura no Múzika ne’ebé sei realiza entre loron 21-24 fulan Novembru.

Sira ho kontente simu ema atus ba atus ne’ebé tama no sai sira-nia Munisípiu no harame eventu importante ida ne’e.

Ekipa husi Governu, Prezidensiá Repúblika no parseiru sira, hamutuk ho Atauru oan sira, halo hela esforsu másimu, hodi realiza eventu ne’e.

 1,738 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Partisipante Festivál Muzíka no Kultura Kontinu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No