DILI (timorpost.com) — Prezidente Repúblika (PR), José Ramos Horta, hatete Timor-Leste tama duni ba Organizasaun Sudeste Aziátiku (ASEAN), osan moeda ho nota sei la sirkula.
Nia hatete, klaru buat barak akontese iha Rai ne’e no iha mundu, ekonómia mundu evalui, balu ba di’ak teb-tebes, hanesan dijitalizasaun, konektividade kada vez di’ak liu tan. Timor atu tama daudaun ba ASEAN, ne’e di’ak teb-tebes no fó oportunidade ba Timor-Leste para tama duni iha rejiaun do mundu ida, konektividade dijitalizasaun ne’ebé aselera teb-tebes.
“Tinan 5 tan, ita sei la uza osan baibain ne’ebé iha ita-nia bolsu, maibé buat hotu-hotu dijitalizadu, buat hotu-hotu iha de’it telefone, laiha moeda no osan ne’e sirkula ona,” nia hateten bainhira partisipa iha Serimónia Tomada de Posse, ne’ebé realiza husi Partidu Sosialista Timor (PST) iha salaun CNE, Sábadu (19/11).
Nia dehan, osan nia orijen mak ne’e Horta lahatene iha tinan 100 ba 200 liubá ne’e, hanesan uluk iha tempu Portugés sira iha ne’e, Holanda iha NTT Indonézia, ne’e sira la selu malu ho nota, maibé sira selu malu ho buat ne’ebé dokumentu boot ida baibain hanaran Nota Provisória, ne’ebé ho kredivilizadu ho osan mean no osan mutin.
“Uluk iha tempu ne’ebá Portugés ho Holandes iha sékulu XVIII ho XIX, pagamentu mundiál ho moeda rua, ida osan mean, Holandes, Ingles ho osan mutin, tan ne’e osan bale liu iha momentu ne’ebá mak osan mutin,” Xefe Estadu relata.
Entaun kuandu Portugál ho Flores sira ne’e faan illa sira ne’e ba Holanda, moeda pagamentu mak ida ne’e.
“2023 ba oin, 2030 sidade balu iha China laiha ona moeda sirkula, buat hotu-hotu ho nia telefone de’it, tan ne’e ita Timor mós tenke haree kona-ba ida ne’e, debate agora tenke haree ida ne’e, ekonómia modernu sei deklara, buat ida hanaran kualitativa konektividade,” nia afirma.
“Se ita ko’alia konektividade la’ós de’it buat ne’ebé IT, mais buat ne’ebé konektividade ho hotu-hotu bazeadu iha Informsaun Teknolojia. Hanesan Portu Tibar ida ne’ebé sei ho modernu foun maibé funsiona mós ho Otomitet, baut hotu-hotu sei kompuarizadu,” PR Horta deklara.
2,815 total views, 3 views today
Bele hare Video Seluk :