ADVERTISEMENT

Funsionáriu Instituisaun Bambu Sente Orgullu ho Prezensa PR Horta

Mario da Costa - Ekonomia
Reportajen : Mariano Abi
Editor : Asisten Hermenegildo da Costa Tilman
  • Share
Prezidente Repúblika, José Ramos Horta, vizita institutu Bambu Tibar, Kuarta (16/11), Imajen TP/Mariano Abi

LIKISA (timorpost.com) — Funsionáriu sira iha Institutu Bambu nu’udar Institutu Autónomu ne’ebé tutela iha Ministériu Agrikultura no Peskas (MAP), ohin Kuarta (16/11), hetan Vizita husi Prezidente Repúblika (PR), José Ramos Horta iha Tibar.

Diretór Institutu Bambu Timor-Leste, Antonio do Santos de Matos (Anito Matos), lori funsionáriu husi Institutu Bambu ne’e sente kontente tebe-tebes ba Xefe Estadu nia prezensa ne’ebé hakaat mai to’o fatin ne’e hodi haree diretamente saida mak sira enfrenta hela.

ADVERTISEMENT
SCROLL FILA BA NOTISIA

“Ba ha’u ho ha’u-nia funsionáriu sira hamutuk na’in-83 sente orgullu teb-tebes, bainhira Prezidente bele hakat mai liu iha Tibar hodi haree ami-nia Instituisaun Bambu, para haree rasik ami-nia situasaun real no kondisaun real ne’ebé ami enfrenta ho limitasaun ne’ebé ami iha, mais sempre serbisu nafatin ho korajen no ho responsabilidade para hatama osan ba kofre estadu,” Anito Matos dehan iha resintu Instituisaun Bambu Tibar.

Lee Mós:
Uma-Kain 59 iha Suku Madohi La Simu Subsídiu Fim do Ano

Ho ida ne’e, ohin Xefe Estadu Ramos Horta, halo vizita iha fatin ne’e, nune’e Prezidente rasik mós hanesan ema ida uluk iha nia mandatu ne’ebé mai halo inaugurasaun, ne’ebé mós hamutuk ho iha tempu ne’ebá Ministru mak João Gonçalves, hetan apoiu barak tebe-tebes, ho ida ne’e hodi Instituisaun ne’e ho kolega sira, xefe departamentu no mós sira ne’ebé serbisu durante tinan barak sira halo serbisu iha ne’e ho sira-nia limitasaun, tan ne’e atu hatete de’it katak, funsionáriu iha ne’e hotu-hotu sei kontinua serbisu.

“Prezidente rasik ohin hatete, ami Instituisaun Bambu ne’e tenke hato’o hela ami-nia relatóriu ou situasaun ne’ebé ami enfrenta ba Prezidente, atu ho Prezidente nia influénsia, konektividade iha mundu Internasionál no mós bele ko’alia iha Governu, atu iha orsamentu ratifikativu ne’e,” Anito Matos subliña.

Lee Mós:
Prezidente Horta Husu Ekipa George Soros Apoiu Média Privadu

Nia aprezenta, karik bele Governu hanoin kona-ba tinan oin, iha oinsá mak Instituisaun Bambu ne’e labele ko’a sira-nia osan ne’ebé iha tinan rua tuir-tuir malu, tan ne’e sira ho programa barak kanseladu, tanba situasaun ne’ebé sira enfrenta mak mákina balu iha tinan 15, karreta ne’ebé uza hodi tula Au husi foho mai, balu iha tinan 15, ne’ebé tuir sira-nia intensaun kada-vez halo viajen ne’e nia kustu boot, tuir loloos sosa karreta foun.

Ho ida ne’e, tuir loloos husi Governu Sentrál, dehan labele sosa transporte, tanba orsamentu ba transporte rodaviáriu laiha, entaun ne’e problema boot ida ba Instituisaun Bambu ne’e.

Lee Mós:
Prezidente Horta Husu Joven Sira Estuda Makas

“Maibé ami espera ho Prezidente nia prezensa, bele mós husu ba Governu para labele hateke Instituisaun Bambu ho de’it matan sorin, tanba ami mós hatama osan ba kofre estadu,” nia informa.

Entretantu iha Instituisaun buat barak sira sei produs mak sertifikadu Formasaun ou Workshop, mais depois sira-nia orsamentu ba kofre estadu ne’e ladún. Nune’e husi parte Instituisaun Bambu sira espera ho Xefe Estadu nia prezensa ne’e, bele muda uitoan iha situasaun ne’e, para husi parte Instituisaun Bambu ninia serbisu di’ak liu tan no mós bele hatama osan ba kofre estadu ho di’ak.

 1,603 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Funsionáriu Instituisaun Bambu Sente Orgullu ho…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: