ADVERTISEMENT

José Reis Defende OJE 2023 iha Parlamentu Nasionál

Mario da Costa - Ekonomia
Reportajen : Jaime Pires
Editor : Mário da Costa
  • Share
José Reis, imajen Esp.

DILI (timorpost.com) – Vise-Primeiru Ministru no Ministru Planu Ordenamentu Territóriu (MPO), José Maria Reis, lakohi Parlamentu Nasionál (PN) ko’a nia Orsamentu Jerál Estadu (OJE) 2023, tanba atu selu programa sira ne’ebé realiza ona.

“Ha’u hanoin proposta husi Deputadu no Deputada sira atu ko’a tiha osan ba iha programa IVENT, ne’ebé ninia ezekusaun ne’e boot tebes,” nia hateten iha Plenária Parlamentu Nasionál, Tersa (15/11).

ADVERTISEMENT
SCROLL FILA BA NOTISIA

Nia esplika, atividade ida ne’e ligadu liu ba iha despeza uni pesoál, ne’ebé atu selu ba Asesór na’in-rua ho termu sertu na’in-tolu ne’ebé halo hela servisu iha Ministériu Planu Ordenamentu Territóriu.

Lee Mós:
Governu Rekomendadu Prioritiza Fatin Turizmu iha Lautem

“Ezekusaun ne’e kuaze to’o ona porsentu 90, tanba ne’e mak ha’u hanoin agora ita la’o ho programa hodi haree ba programa no sub-programa iha nia progresu sa’e tebes, tanba ne’e ami atu halo pagamentu ba komunidade sira ne’e oinsá, karik hasai tiha osan sira ne’e, ha’u atu ba foti fali osan husi ne’ebé atu selu sira,” deklara nia.

Lee Mós:
Governu Esforsu Diversifika Ekonomia Rai Laran

Nia aumenta, tanba orsamentu sira ne’ebé mak kada Ministériu sira agora propoin ne’e orsamentu bazeia ba programa, entaun kuandu hasai tiha husi Item balun difikulta tebes atu foti fali osan husi Item seluk.

“Tanba ne’e mak ha’u husu ba deputadu no deputada sira se bele retira tiha fali proposta sira ne’ebé atu ko’a sai tiha Ministériu nia osan, tanba orsamentu sira ne’e bazeia pur programa,” nia afirma.

Lee Mós:
Timor-Leste Sei Partisipa Expo-Osaka iha Japaun

Governante ne’e subliña, tanba projetu sira ne’ebé halo no programa Governu nian liuhusi kada Ministériu nian sira balun aranka ona iha tinan ida ne’e no balun tinan oin presiza duni orsamentu atu halo pagamentu.

 708 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “José Reis Defende OJE 2023 iha Parlamentu Nasionál” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: