ADVERTISEMENT

Avó Julio Kontente Ai-Manas ho Tomate Folin Di’ak

Mario da Costa - Ekonomia
Reportajen : Beatriz Belo
Editor : Mário da Costa
  • Share
Negosiante Ai-leba, Julio Perreira, Imajen TP/Beatriz Belo

DILI (timorpost.com) – Negosiante Ai-Leba, Julio Perreira, kontente tanba fan ai-manas ho tomate hetan folin di’ak.

Negosiante ho idade avansadu ne’e, hatete fan tomate ho ai-manas, hetan rendimentu di’ak, tanba lori la’o haleu iha Dili laran, ne’e mak ema kompradór sira hola.

ADVERTISEMENT
SCROLL FILA BA NOTISIA

“Ha’u loron-loron buka moris liuhusi ai-leba ne’e, maibé ha’u hetan rendimentu di’ak, tanba ha’u lori haleu iha Dili laran”, nia dehan ba Timor Post, hafoin fan hela Tomate ho ai-manas iha Eskuadra Dom Aleixo Komoro nian oin, Domingu (13/11).

Nia dehan, maski nia ho idade avansadu, maibé nia kontinua faan, tanba nesesidade uma laran, nune’e tenke fila-liman ho sasán sira ne’e, entaun obrigadu dadeer tenke sai hosi hela fatin iha osindu UNPAZ nia kotuk lori ai-leba haleu sidade Dili.

Lee Mós:
Tomate Folin Sa’e iha Merkadu Taibesi

“Ha’u nafatin faan, tanba ita moris iha Dili, buat hotu osan, tanba ne’e tenke buka osan atu bele hatan ba ita-nia nesesidade loron-loron nian, se ha’u la faan se mak atu fó osan ha’u, tanba ne’e tenke badinas buka osan,” nia dehan.

Nia konta, nia faan sasan sira ne’e, sempre hotu tanba nia faan Baratu deit, nune’e mós nia faan tuir estrada públiku iha Dili, tanba ne’e loron ida nia bele hetan osan 30 USD.

Lee Mós:
Negosiante Preokupa Produtu Lokál La Folin iha Merkadu

“Ha’u faan de’it sasán sira ne’e, bele fulan ida hetan osan funan 100 USD, Bele mós ha’u hetan liuhusi ida ne’e,” nia konta.

Nia dehan, sasán sira ne’e la’ós nia mak kuda rasik, maibé hola husi ema seluk, bain-bain nia ba hola iha merkadu taibesi, hafoin nia faan.

“Ha’u faan sasán ne’e la’ós tomate ho ai-manas de’it, maibé dala-ruma fan mós lis mean ho mutin, ha’u faan ho folin hanesan de’it, ho montante 3 USD, oinsá mak ema bele hola hotu, ita faan karun ema la hola,” nia dehan.

Lee Mós:
FRETILIN-CNRT Hadau Dignidade Ai-leba ba Kontribuisaun Estadu

Alende nia konta, nia la’ós idade avansadu mak faan, maibé tinan barak ona mak nia faan to’o agora.

“Ita faan sasán ne’e, loron-loron hetan osan, depende ita mak badinas ba buka sasán, nune’e mós badinas lori sai ba faan,” nia hakotu.

 1,911 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Avó Julio Kontente Ai-Manas ho Tomate Folin Di&…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: