ADVERTISEMENT

Olinda Defende Governu Mantein OJE 2023 ho Biliaun 3.1 USD

Mario da Costa - Ekonomia
Jornalista : Mariano Abi
Editor : Asisten Hermenegildo da Costa Tilman
  • Share
Deputada Olinda Guterres, Imajen Esp.

DILI (timorpost.com) —Parlamentu Nasionál (PN), horisehik (07/11), hahú debate kona-ba Orsamentu Jerál Estadu tinan 2023 nian iha jeneralidade no ohin Tersa (08/11), kontinua plenária iha sesaun dadeer, Prezidente Bankada Kmanek Haburas Unidade Nasionál Timor Oan (KHUNTO), Deputada Olinda Guterres, defende Governu hodi mantein OJE 2023 ho montante Biliaun 3.1 USD.

Nia hatete, OJE 2023 ne’e orsamentu ida ne’ebé boot no aas tebe-tebes, maibé ida ne’e nesesária hodi Governu bele kontinua estimulamente implusiona ekonomia hafoin estragu sira ne’ebé mosu husi krize Covid-19 no Inundasaun iha tinan 2022 no 2021.

ADVERTISEMENT
SCROLL FILA BA NOTISIA


Lee Mós :
SEFOPE Esforsu Rezolve Saláriu Mínimu

“Ha’u, OJE ida ne’e natoon ou bele dala-ruma la to’o, tanba iha mundu ohin loron, ita presiza buat barak hodi hadi’a sistema nasaun ida ne’e atu bele dezenvolvidu, “sim” presiza osan barak”, dehan Deputada Olinda iha plenária Parlamentu Nasionál.

Nia dehan, orsamentu ne’e tenke aumenta duni para nune’e, fó apoiu makaas ba Agrikultura, tanba ida-idak ninia kabun no forsa iha Agrikultór nia liman.

Lee Mós :
Mota Laklo Estraga Natar ho Toos Ektare 800

Alende ne’e Olinda husu mós ba Ministériu Turizmu Komérsiu no Indústria (MTCI), presiza ré-tornu atu tama fila fali mai kofre estadu, entaun ba osan ne’e tenke aloka lubuk ida ba iha MTCI hodi hadi’a turizmu rai laran atu bele atrai turista sira mai Timor.

Husi ne’e mós iha parte balu presiza tebes duni, Governu ne’e troka tuun troka sa’e, orasida ida sa’e ida tuun, relasiona ho agora partidu tolu mak kaer ou lidera maibé tinan oin keta seluk mak kaer fali karik.

Lee Mós :
Servisu Tetu Besi Tua Tulun Ona Vasco

“Ha’u louva tebes, horikalan ha’u akompaña uitoan de’it husi Deputadu Mariano Asanami ko’alia katak, mezmu ita kontra malu maibé oinsá ita bele hadi’a ita-nia Nasaun ida ne’e la’o ba oin, ha’u apoiu tebe-tebes,” Olinda apresia.

 2,110 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Olinda Defende Governu Mantein OJE 2023 ho Bili…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No