ADVERTISEMENT

Hakarak Hatene Dezenvolvimentu Ekonomia, PR Horta “Bolu” Serve ho TradeInvest

Mario da Costa - Ekonomia
Jornalista : Mariano Abi
Editor : Mario da Costa
  • Share
Prezidente Repúblika, José Ramos Horta, ko’alia asuntu ekonomia ho Diretór Serve no TradeInvest, Imajen Esp.

DILI (timorpost.com) — Hakarak hatene dezenvolvimentu ekonomia iha Timor-Leste, Prezidente Repúblika (PR), José Ramos Horta, konvida Servisu Rejistu no Verifikasaun Emprezariál, Institutu Públiku (SERVE, I.P) ho Ajénsia Promosaun Investimentu no Esportasaun, Institutu Públiku (TradeInvest Timor-Leste) ba iha Palásiu Prezidensiál, Bairru-Pité, Segunda (17/10).

Diretór Ezekutivu TradeInvest Timor-Leste, Arcanjo da Silva, hatete Prezidente Repúblika bolu sira hodi marka audiénsia atu informa kona-ba serbisu loron-loron ne’ebé husi Institutu rua ne’e hasoru, maibé dezafiu balu ne’ebé sira hasoru no mós rezultadu ka alkansamentu ne’ebé atinje durante ne’e.

ADVERTISEMENT
SCROLL FILA BA NOTISIA


“Prezidente Repúblika hakarak hatene liu SERVE ho TradeInvest nia serbisu fasilitasaun ba dezenvolvimentu ekonomia nasaun nian, liuhusi setór privadu liuliu aposta ba emprezáriu nasionál no Internasionál ne’ebé ita bolu dehan investidór doméstiku no investidór estranjeiru sira ou baibain ita bolu FDI sira,” nia dehan hafoin enkontru ho Xefe Estadu.

Nia dehan, FDI sira iha país ne’e, ne’ebé Xefe Estadu haruka presta TradeInvest sosiál no presta atendimentu ne’ebé tenke di’ak hodi bele atrai investidór sira mai. Tanba hanesan PR Horta hatete, atrasaun investimentu ne’e luta ida ou kompetisaun hodi investidór sira ne’ebé iha rejiaun investe iha Timor, investimentu sira iha mundu bele mai investe iha Timor.

Lee Mós :
'HAU TIMOR' Lansa Kafe Lokál

No iha kompetisaun ne’e, klaru katak, Prezidente mós tau atensaun makaas ba reforma armonizasaun nasaun nia instrumentu legais sira. Maibé para alende ida ne’e, tenke iha kapasidade tékniku no étiku di’ak hodi atende investidór sira no emprezáriu sira.

“Kona-ba rezultadu ne’ebé ita bolu People Work hanesan se rezultadu asina espesiál, negosiasaun durante tinan 14 ne’e rezultadu ida, ita labele nega katak, ne’e la’ós rezultadu,” nia relata.

Agora husi akordu espesiál ne’e hakat ba implementasaun ne’e husi parte sira sei haree, tuir Diretór Ezekutivu TradeInvest nia hanoin katak, iha parte jornalista sira sei sai sasin iha fulan Novembru halo inaugurasaun iha Tasi-Tolu, maski ema barak mak dehan tau primeiru pedra, segundu pedra nunka mai, maibé tanba sá mak inaugura tau primeira pedra ba mós interese investidór.

Nia haktuir, ema atu investe ne’e, la’ós nia osan rasik mesak-mesak, ne’e mós bele reker ba apoiu finanseiru ba iha finanseiru internasionál, entaun inaugurasaun ne’e fó konfiansa ba organizasaun internasionál finanseiru sira hodi bele apoiu. Nune’e sidadaun iha Timor dala-ruma dehan, se o mak investe tenke investe o nia osan rasik, tan ne’e mak ekonomia la funsiona hanesan ne’e.

“Ita Timor ou kompañia lokál sira mós ba empresta osan iha BNCTL, Mandiri, ho Banku sira seluk mak investe, tantu iha FDI mós hanesan ne’e,” nia esplika.

Lee Mós :
Joven Na’in-Tolu Kria Rasik Servisu Ba Sira Nia-an

Tanba ne’e maka inaugurasaun ne’e hanesan eventu ida importante hodi fó konfiansa ba organizasaun finanseira iha inter-ministeriál sira hodi apoiu.

“Ita la presiza hatene katak, ida ne’e nusa mak la uza o nia osan, ita presiza mak kapitál investimentu ne’ebé nia tau iha proposta investimentu ne’ebé aprova husi Governu maka tenke mobiliza ne’e,” nia realsa.

Iha biban hanesan Diretór Ezekutivu SERVE.I.P, Florencio Sanches, subliña iha enkontru ida ne’e, husi Institutu rua, atu esplika ba Prezidente Repúblika, kona-ba oinsá institutu rua ne’e bele apoiu dezenvolve ekonomia iha país ida ne’e nian.

Alende iha enkontru ne’e, Diretór Florencio, aponta hela pontu balun ne’ebé Prezidente Repúblika, hatete primeiru presiza armoniza lejizlasaun iha Timor-Leste, armonizasaun ba lei ida ne’e importante tebes-tebes atu dezenvolve país ida ne’e nia ekonomia.

“Segundu hakarak halo dijitalizasaun katak ne’e importante, ohin loron serbisu iha territóriu tomak ita halo iha surat tahan, nune’e país balu la halo ona, ida ne’e mak importante tuir fali mai atu hatete, sé buat sira ne’e la’o hotu iha lejizlasaun ita bele kria lei foun ita bele halo revizaun, halo armoniza ita bele kria kampu traballu,” nia dehan.

Lee Mós :
Embaixada Korea Demonstra Aihan Lokal iha Dili, "Hakarak Timoroan Sira Konsumu"

Nia esplika, Tansá mak kria kampu serbisu, hodi nune’e bele kada indivíduu ida iha país ida ne’e, bele hetan benefísiu ba ida ne’e nian.

Husi ne’e mós nia husu sistema bankária ba PR Horta, kona-ba iha Timor nian katak, hanesan Prezidente Repúblika, afirma kona-ba ekonomia iha país ne’e labele la’o kuandu funan ka husi Banku fó ne’e aas liu. Ida fali nia dehan ekonomia labele la’o kuandu kustu ba eletrisidade boot tebes.

“Ohin temi hotu, para nune’e idea sira ne’e, oinsá TradeInvest I,P ho Serve I,P saida mak bele apoiu ba iha dezenvolvimentu ekonomia. No ikus liu Prezidente Repúblika husu katak sei haruka asesór sira husi PR Horta nian hodi apoiu Institutu rua ne’e atu nune’e bele iha Lei sira ne’ebé kuandu ita temi bele aselera hodi implementa para bele apoiu,” nia afirma.

Ikus nia dehan, husi ne’e ekipa boot ne’ebé husi gabinete PR Horta nian prontu ona hodi bele apoiu tékniku no sosializasaun, para nune’e dezenvolvimentu ekonomia bele la’o ba oin, tuir saida mak timoroan hotu mehi.

 2,069 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hakarak Hatene Dezenvolvimentu Ekonomia, PR Hor…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No