DILI (timorpost.com) – Ministru Obras Públikas (MOP), Abel Pires, hatete projetu anterior agora hela (44), Governu seidauk selu tanba ninia legalidade laiha, maibé la’ós kestaun tékniku.
“Projetu (44), ne’ebé Governu seidauk selu ne’e la’ós kestaun tékniku, maibé kestaun legál, tanba baibain ne’e atu sosa bee agua ida mós prosesu tender ne’e la’o lai mak Agua ne’e mai,” nia hateten iha Palásiu Governu, Kuara (28/09).
Nia dehan, projetu sira seidauk selu ne’e, sira halo uluk ona estrada mak foin atu tuir tender ne’e labele, tanba ne’e sira kontratu laiha.
“Ita buka hela dalan atu rezolve, maibé husi ami-nia parte halo identifikasaun ona tama iha kategoria tolu, ba projetu hamutuk 44, ne’ebé seidauk selu ne’e,” hateten nia.
Projetu sira ne’e ida iha obra seidauk halo ne’e 0%, balun obra la’o ona husi pursentu 40 to’o 80, maibé balun ne’e 100% ona, kategoria hirak ne’e Obras Públikas identifika hotu ona.
“Agora hein Komisaun Aprovizionamentu Fundu Infraesturtura (KAFI), maibé sira mós delibera ona oinsá tékniku legál sira tuur hamutuk atu buka dalan legál hodi rezolve ida ne’e,” deklara Abel.
Nia subliña, tanba rai ida ne’e bazeia ba lei entaun hotu-hotu tenke tuir lei, tanba ne’e mak tékniku sira kompostu husi Ministériu Obras Públika, Ministériu Finansas no Ministériu Planu Ordenamentu Teritoriu, sei buka tuur hamutuk hodi foti desidesizaun legál.
1,836 total views, 3 views today
Bele hare Video Seluk :
Subscribe to Timorpost
