ADVERTISEMENT

Membru Governu Sei Simu Hotu Subsídiu Uma-Kain Osan 200 USD

Mario da Costa - Ekonomia
Jornalista : Jaime Pires
Editor : Mario da Costa
  • Share
Vise Primeira Ministra, Armanda Berta dos Santos, Imajen TP/Jaime Pires.

DILI (timorpost.com) – Vise Primeira Ministra no Ministra Solidariedade Sosiál no Inkluzaun (MSSI), Armanda Berta dos Santos, hatete subsídiu uma-kain osan 200 USD, ne’ebé sei fahe iha fulan Dezembru ne’e, ema hotu-hotu sei hetan la haree ba saláriu ki’ik ka boot.

Sim, subsídiu ida ne’e ita bolu subsídiu fim do ano, ho universalmente katak ba ema hotu-hotu, maibé la haree ba saláriu ki’ik de’it mak hetan saláriu boot la hetan ne’e la’e,” nia hateten iha Palásiu Governu, Kuarta (28/09).

ADVERTISEMENT
SCROLL FILA BA NOTISIA


Nia dehan, antes ne’e mosu espekulasaun iha média sosiál kona-ba subsídiu ne’e katak, ema ne’ebé saláriu másimu 500 USD ba leten ne’e sei la hetan, maibé sira halo ona alterasaun no Konsellu Ministru aprova ona, katak subsídiu fim do ano ne’e universalmente no sei ba ema hotu-hotu.

Lee Mós :
Fasilidade Menus Difisil Alfándega Kontrolu Sasán Ilegál

“Karik ema ne’ebé iha ona, ka hanesan Deputadu-Deputada no membru Governu sira inklui ha’u rasik, dehan subsídiu ne’e merese de’it ba povu no ita lakohi foti laiha buat ida, osan sei fila fali ba kofre estadu,” hateten nia.

Nia hatutan, sira bele foti mós laiha buat ida tanba subsídiu ne’e universal, entaun ba ema hotu-hotu, la haree ba saláriu ki’ik ka boot.

Lee Mós :
Klima Lori Surpreza Ba Turizmu Marobo

“Lei ita altera tiha ona, muda fali ba subsídiu aniversalmente, no Konsellu Ministru mós halo ona aprovasaun ohin, tanba momentu ne’e dehan ba ema vulneravel de’it, maibé agora ita muda ona ba universal signifika ema hotu-hotu bele hetan,” dehan Governante ne’e.

“Maibé fila fali ba ema ida-idak, karik dehan ha’u iha hela ha’u nian fó fali ba ema seluk, entaun ita la presiza foti, osan sei fila fali ba kofre estadu,” hateten tan.

Nia dehan, ba programa ida ne’e Governu prevee ona osan 700.000.000 USD, maibé la’ós ba tinan ida ne’e de’it, ba tinan oin mós, prosesu atu implementa tinan ida ne’e kontinua la’o hela.

Lee Mós :
Suku Komoro Seidauk Konklui Pagamentu Subsídiu Fim do Ano

“Subsídiu ne’e dehan Dezembru mak foin bele hetan, maibé iha loron 16 fulan Novembru ita sei halo ona lansamentu, atu nune’e molok fulan Dezembru ita fahe hotu ona,” deklara nia.

Nia dehan, dadus uma-kain ka atu sai benefisiáriu ba subsídiu ida ne’e, sira simu ona husi Ministériu Administrasaun Estatál (MAE), uma-kain hamutuk 39.110 (trinta e nove mill sento e dez) mak atu sai benefisiáriu.

 11,647 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Membru Governu Sei Simu Hotu Subsídiu Uma-Kain …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No