Dili (timorpost.com) – Governu liuhusi Ministériu Agrikultura Peskas (MAP), hamutuk ho Australia Department of Foreign Affairs and Trade’s (DFAT) realiza lansamentu ofisiál programa To’os Ba Moris Di’ak (TOMAK) nian ba iha faze segundu tinan 2022-2026 ba Munisípiu tolu.
“Ohin partisipa ba servisu tomak nian ne’ebé iha faze daruak nian para ita iha kontinuidade atu bele halo servisu ba munisipiu tolu mak hanesan Bobonaro, Vikeke no Baukau,” Vice Ministru Agrikultura Peskas (MAP) Abilio Xavier Araujo Lebo hatete ba jornalista sira depois lansamentu ofisiál TOMAK iha salaun City-8 Has-laran, Kinta (22/09).
Nia dehan, Governu Timor-Leste no Governu Australia iha kolabarasaun durante tinan naruk hodi dezenvolve setór agrikultura iha nasaun ida ne’e, no sira apresia katak parseria ida ne’e sei kontinua liuhusi programa TOMAK ba tinan haat tan. Maioria populasaun Timor-Leste sei hela iha area rurais no depende ba atividade agrikultura no peskas hodi sustenta sira-nia família sira.
Portantu, kona-ba mudansa konserteza hamutuk ho sira-nia parseiru sira sempre mai ho mekanismu no estratejiku, siensia ne’ebé sira iha dezenvolve durante ne’e husi TOMAK hamutuk ho ita-nia komunidade sira koperasaun ne’ebé ho MAP iha mudansa, liu-liu produsaun kuantidade ho nia kualidade ne’ebé di’ak ba servisu TOMAK nian.
“Tanba ne’e, Komitementu Governu nian mak atu bele hamutuk nafatin ho ita-nia parseiru dezenvolvimentu sira liu-liu embaixadór Australia atu kontinua servisu ne’ebé apoiu husi Australia, hodi bele kontinua servisu ne’e ho ita-nia autoridade lokal sira iha munisipiu 3 ne’e, atu hasa’e ekonomia nia kuantidade no kualidade ita-nia produsaun ai-han saúde nian ba ita-nia povu nasaun Timor-Leste”, nia hateten.
Nia hatutan, “Ita sei ko’alia ba asuntus Munisípiu sira seluk ne’e, ita sei koalia mos ho parseirus sira atu oinsa sira bele preve sira nia orsamentu aumentu ka masimu iha futuru para bele hare ba munisipiu sira ne’ebe ita sidauk kobre ba hodi bele implementa”.
Nia dehan, nune’e tenke iha formasaun barak ba komunidade sira atu bele hodi halo mudansa iha faze dezemvolvimentu ida ne’ebé avansadu hanesan nasaun sira seluk hodi hasae produsaun iha rai-laran, ai-han lokál sira ne’ebé komunidade produs bele hetan kompras husi kompañia sira atu distribui ba komunidade, tanba termina ona 70% e tal tenke sosa ai-han husi komunidade.
Iha fatin hanesan Embaixadora Australia, Charge d’Affaires Suzy Wilson, aumenta TOMAK mak programa Governu Austrália nian ho durasaun tinan 10 hahú husi 2016 ate 2026 ho objetivu atu hadi’a sistema ai-han iha komunidade rurál sira iha Timor-Leste, liuhusi atividade agrikultura ne’ebé sustentavel, Programa TOMAK implementa hamutuk ho parseiru sira inklui Governu Timor- Leste, ONG no setor privadu.
“Orsamentu prevee ba programa TOMAK husi Governu Australia ho total 50 USD ba tinan 10 husi 2016-2026, tanba ne’e ita atu hadi’a seguransa ai-han, TOMAK enkoraja uma-kain sira atu produs ai-han nutritivu no mos rezerva parte husi sira-nia produsaun ba konsumu iha uma laran. Programa ne’e promove benefisiu husi direta ne’ebé saudavel ba membru família sira hotu no enkoraja ema atu uza rendimentu no osan rai iha grupu hodi sosa ai-han nutritivu ho regular”, nia hakotu.
2,754 total views, 3 views today
Bele hare Video Seluk :
Subscribe to Timorpost
