DILI (timorpost.com) – Kompañia Timor Resources, fura tiha ona mina matan rua, agora planu atu furak tan ida iha Munisípiu Kovalima, área Labarai nian.
“Planu Timor Resources nia atu fura mina matan ne’ebé daudaun la’o hela iha Munisípiu Kovalima, espesífiku iha área Suai ninian, ita fura ona rua no planu sei fura tan Mina Matan ida,” dehan Coutry Maneger Timor Resources, Filomeno Adrade, iha Faról, Tersa (13/09).
Nia dehan, mina matan rua ne’ebé halo uluk ona perfurasuan ne’e mak ida naran Fetok-Kmaus, iha área Matai nian, ida fali bolu naran posu Liurai iha área Kamanasa no atu halo tan ida iha área Labarai nian ne’ebé bolu naran Lafaek.
“Perfurasaun primeiru ne’e nia kle’an to’o de’it metru (660) la tuir tarjetu hodi tun tan ba kraik tanba iha okos Gas maka’as, ne’ebé agora sei paradu hela sei halo tan estudu Jeolójiku hodi bele haree, ida segundu ne’e to’o duni nia tarjetu metru (1.660), ne’ebé rezultadu hatudu di’ak, maibé AMPM mak sei fó sai nia rezultadu espesífiku,” deklara nia.
Nia informa, tanba husi rezultadu laboratóriu hatudu katak, perfurasaun mina matan rua uluk ona ne’e hatudu nia rezultadu di’ak.
“Agora atu ke’e terseiru ne’e mak sei kle’an liu, sei ke’e to’o metru (3.500), ida ne’e mak semana oin sei hahú halo ona perfurasaun, no nia preparativu sira atu hotu ona, hein de’it AMPM ba halo inspesaun hodi fó sertidaun dehan bele, hafoin hahú halo perfurasaun,” hateten nia.
Atu hakotu Manajer ne’e dehan, durante perfurasaun mina matan sira iha Kovalima ne’e sira gasta ona ho montante besik millaun 48 USD.
2,429 total views, 3 views today
Bele hare Video Seluk :
Subscribe to Timorpost
