DILI (Timor Post) – Empreza Global Indústria Group husi Austrália, sei loke fábrika iha Timor-Leste hodi fó servisu ba timoroan hamutuk rihun 27 iha territóriu tomak.
“Ohin ami ko’alia ho Primeiru Ministru atu mai loke indústria, ne’ebé Xefe Governu aseita sei oferese hodi loke indústria iha ne’e,” hateten Prezidente Empreza Global Indústria, Michael Fransis, iha Faról, Kuarta (31/08).
Nia dehan, Primeiru Ministru kontente ho sira-nia prezensa hodi bele mai loke indústria iha Timor-Leste, atu nune’e bele fó servisu ba timoroan sira iha rai laran.
“Ami sei loke indústria sira kona-ba, fábrika loke serveza, loke indústria agrikultura, hortikultura no pekuaria ninian,” deklara nia.
Tanba ne’e agora sira sei hahú prosesu no buka dalan atu hatama sasán husi rai li’ur mai hodi bele hahú loke ona indústria sira ne’e, durante fulan tolu nia laran sira sei prosesu ona materiál sira mai.
“Ami-nia Planu sei loke iha munisípiu sira hotu, maibé sei loke uluk iha munisípiu Dili, no daudaun ne’e sira sei buka rai hodi hahú konstrui ona fatin atu tau materiál sira kuandu husi rai li’ur to’o mai,” deklara nia.
Tanba ne’e agora sira halo ona planu no prosesu hahú ona hodi buka fatin no hatama ona materiál mai, tanba ne’e aban sira sei kontinua ba enkontru ho ema importante sira balun hodi ko’alia kontinuasaun ba ida ne’e.
“Ami loke indústria no fábrika iha ne’e, durante tinan tolu ne’e ami sei fó servisu ba timoroan sira hanutuk 27 mill iha munisípiu hotu, no kuandu aumenta kontratu ba tinan rua ami bele fo servisu ba ema bele to’o rihun 29 ba leten,” nia promete.
1,965 total views, 3 views today
Bele hare Video Seluk :
Subscribe to Timorpost
