Dili (Timor Post) – Tribulante Marnir Ró Berlin Ramelau na’in-80, tuir treinamentu kona-ba nani tasi, hodi nune’e prepara bainhira Ró hetan dezastre ruma iha tasi laran sira bele salva pasajeiru sira-nia vida.
“Ohin sira tuir treinamentu kona-ba nani tasi ne’e atu prepara sira, no sira mós tenke nani tasi, tanba bainhira Ró hetan dezastre ruma sira ne’e mak salva ema pasajeiru sira-nia vida”, nia hateten iha Portu Dili, Kuarta (24/08).
Nune’e, sira ne’ebé nani hamutuk na’in 80, maibé orsida nia rezultadu teste mak foin haree no agora ida ne’e ba dala tolu (3) nian ho ida ne’e sei ta’is tan.
Nia hatutan, sira ohin nani ne’e haree katak halo preparasaun di’ak tiha, sei ba husik iha tasi laran mak sei nani sai fali mai.
“Ida ne’e uza ita-nia mentalidade fizíku tenke koko para depois aban-bairua kuandu sai marnir ida ne’ebé forti”, nia dehan.
Nia afirma, sira nani ne’e foin tama iha fulan dezembru nia laran tinan 2021, maibé haree didi’ak iha komersaun Internasionál husi dabliu nian, ezijensia ida mak ne’e tenke hatene nani tasi tanba ne’e tenke prienxe rekezitu, tenke liuhusi prosesu ida ne’e para bele hatene.
“Tanba ita-nia Ró Berlin Ramelau baibain aat hela de’it, ita rekruta tiha ona Ema atu servisu iha laran, maibé ita ladún aprofunda didi’ak, entaun difikulta ita, tanba ne’e ami iha tempu hodi halo treinu nani”, nia hateten.
Nia afirma, sira ohin nani di’ak no tuir rekizitu ne’e entaun sira ba iha Ró laran atu nune’e akompaña pasajeiru sira husi Dili Oe-Kusi no Dili Atauro.
Alende ne’e, Tribulante Aldo Belo, aumenta tan ohin sira tuir treinamentu kona-ba nani maka hanesan halo bomba rai, halai haksoit meza, no ikus ne’e mak nani.
“Ami tenke kumpre juri sira-nia kriteria, ne’ebé ba pesoál ha’u sente nani ne’e di’ak, tanba ami servisu tiha ona iha Ró ne’e besik tinan ida ona no ha’u hanesan ofisiál iha Ró Berlin Ramelau ne’e”, nia hakotu.
1,972 total views, 3 views today
Bele hare Video Seluk :
Subscribe to Timorpost
