ADVERTISEMENT

Governu Apoiu Osan Rihun 220 USD ba Serimónia Dom Virgílio ba Kardeál

Mario da Costa - Ekonomia · Relijiaun
Jornalista : Jaime Pires
Editor : Asisten Hermenegildo da Costa Tilman
  • Share
Ministru Finansas, Rui Gomes, Imaje TP/Jaime Pires

DILI (Timor Post) — Governu liuhusi Konsellu Ministru aprova ona orsamentu ho montante 220.732,00 USD, hodi apoiu ba resesaun no komemorasaun ba elevasaun Dom Virgílio do Carmo ba Kardeál.

“Konsellu Ministru aprova projetu rezolusaun kona-ba apoiu finanseiru ba realizasaun atividade resesaun no komemorasaun ba elevasaun Dom Virgílio do Carmo da Silva, SDB, hanesan Kardeál,” dehan Ministru Prezidensiál Konsellu Ministru Interinu, Rui Gomes, iha Palásiu Governu, Kuarta (24/08).

ADVERTISEMENT
SCROLL FILA BA NOTISIA


Lee Mós :
KM Aprova Projetu Proposta Lei ba OJE 2023, Ho Montante Bilaun 3 USD

Nia reforsa, tanba ne’e Governu valoriza signifikativu jestu ida ne’e husi prezensa no importánsia Igreja Katólika nian iha sosiedade timoroan, hodi assosia iha momentu moris koletiva ida ne’e.

“Governu apoiu no komemora atividade resesaun Dom Virgílio do Carmo da Silva, hanesan Kardeál hanesan mós timoroan dahuluk, nune’e aprova ona finanseiru ho valór hamutuk 220.732,00 USD, ba atividade refere,” hateten nia.

Lee Mós :
ANP,IP Sei Fura Posu Tolu Produs Mina

Nia subliña, ida ne’e dotasaun mai husi Governu tomak no hafoin selebrasaun uluk akordu subvensaun públika entre Governu no konferénsia episkopál timoroan.

“Elevasaun Dom Virgílio do Carmo da Silva ba Kardeál, sei hala’o iha konsistóriu iha loron 27 fulan Agostu tinan 2022, ne’ebé sei realiza iha Roma Itália,” Rui dehan.

Ministru Finansas ne’e, hatete projetu rezolusaun Governu hodi apoiu finanseiru ba resesaun no komemorasaun ba elevasaun Dom Virgílio do Carmo da Silva ba Kardeál ne’e, aprezenta husi nia rasik hafoin membru Konsellu Ministru sira diskute hodi halo aprovasaun.

 2,096 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Apoiu Osan Rihun 220 USD ba Serimónia D…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No