ADVERTISEMENT

Justino Hakarak Loke Indústria iha Timor-Leste

Mario da Costa - Ekonomia
Jornalista : Mariano Abi
Editor : Mario da Costa
  • Share
Estudante Justino Martins Salsinha, Hasoru malu ho Prezidente Republika, Jose Ramos Horta, iha Palasiu Prezidensial, Bairru-Pite, Kuarta (10/08), Imajen Esp.

Dili (Timor Post) – Estudante Mestradu Mekániku, Fakuldade Tékniku, Universidade Diponogoro, Justino Martins Salsinha, Kuarta (10/08), hasoru malu ho Prezidente Repúblika, José Manuel Ramos Horta, hodi aprezenta planu hakarak loke indústria iha Timor-Leste.

“Ha’u ohin iha asuntu ho Prezidente, hanesan estudante iha área Mechanical Engineering, nune’e ami ko’alia kona-ba, oinsá atu loke indústria iha ita-nia rain,” nia dehan hafoin remata enkontru ho Xefe Estadu iha Palásiu Prezidensiál Bairru-Pité.

ADVERTISEMENT
SCROLL FILA BA NOTISIA


Nia haktuir, iha enkontru ne’e, primeiru ko’alia dehan, atu liga ba merkadu ou kompete Timor-Leste nia produtu, ne’e la’ós buat fasil, hanesan Timoroan lori sasán sira hodi ba fan ou kompete iha ne’ebá.

Nia afirma tan, ho ida ne’e, tenke halo publikasaun jornál, atu nune’e, bainhira iha Universidade hotu-hotu, ema bele lee, ema bele tetu Timor-Leste ninia persentajen sasán nian, para di’ak ka lae.

“Sei bainhira ita-nia produtu ne’e di’ak ona, entaun ita bele halo komparasaun ho nasaun sira seluk, nune’e mós ema bele hili ita-nia produtu husi ita-nia rain, ita-nia indústria ne’e no ita-nia material ne’ebé ita uza di’ak,” nia realsa.

Lee Mós :
Governu Entrega Plaka no Tau Fatuk Dahuluk ba Konstrusaun Edifísiu Eskola

Estudante ne’e fó ezemplu, hanesan Timor-Leste nian mak Kafé, Kafé ne’e dala-barak iha nasaun sira seluk ne’e iha hotu, hanesan Brazil, Indonézia, Áfrika ne’ebá, sira iha Kafé.

Maibé Timor-Leste ninia produtu ne’e, dala-barak Japaun ho German sira mak peskiza barak liu, maibé nu’udar sidadaun Timoroan seidauk peskiza kona-ba Kafé ne’e, atu hira maka lanu ema, hira mak bainhira ema hemu karik, sente ninia sabor ne’e oinsá, no persentajen hira. Husi ida ne’e mak, nu’udar Timoroan seidauk hatene loloos, atu nune’e halo uza saida mak tetu, ne’e mak Timor-Leste seidauk hatene.

“Ha’u aprezenta ba Prezidente Repúblika, katak ba oin bele hamenus ona alumíniu nian, atu ita labele esporta ba rai li’ur, maibé ita bele halo Indústria Penggecoran ki’ik oan iha ne’e, hanesan sanan, taxu sira ne’e, motor nia koplin, motor nia travaun sira ne’e, ita bele produs iha ita-nia rain,” nia relata.

Lee Mós :
Jardín Bebora ho Sítiu Úniku

Nia subliña, hanesan rai doben Timor-Leste ne’e barak mak lata serveja sira ne’ebé baibain hemu soe, no rai di’ak tebe-tebes, karbonu iha, krómiu iha, buat hotu-hotu iha, maibé falta mínimu mak siénsia.

“Entaun ida ne’e mak ha’u aprezenta ba Prezidente Repúblika, karik ida ne’e hanesan aprezentasaun de’it, husi ida ne’e ba oin karik keta iha ona buat ne’e karik, ita bele hatene ona dehan iha momentu ida ne’e ha’u aprezenta ona,” nia dehan.

Nia afirma, ba oin atu halo maka Indústria Penggecoran, atu cor motor nia koplin ho travaun sira ne’e. No alende ne’e karik ba oin, produtu ne’e bele halo publikasaun no bele halo perbandingan ho nasaun sira seluk, kona-ba oinsá materiál Timor ne’e di’ak ka lae.

Lee Mós :
Pagamentu ba Idozus Sei Hahu iha Fulan Jullu

“Tanba ita barak esporta alumíniu ba rai li’ur, hanesan besi tua sira ne’e, ba hotu rai li’ur, husi ida ne’e, oinsá atu kria iha ita-nia rai laran, ida ne’e mak planu ba oin,” nia relata.

Enkuantu kona-ba publikasaun jornál nian, agora entrega ona ba Prezidente, atu nune’e ba oin bele kria ida ne’e.

Kestaun kona-ba grupu ka lae, ne’e nia seidauk hatene, maibé tuir nia katak, ne’e individual, hodi halo publikasaun no kria kampu traballu iha Timor-Leste.

Alende hafoin remata enkontru ho Xefe Estadu, hameno ba estudante ne’e katak, “Boom Susesu ba ita-nia rai, atu nune’e bele kria kampu serbisu ba ita maluk joven sira”.

 3,037 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Justino Hakarak Loke Indústria iha Timor-Leste” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No